medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Snæfellskonur gerðu góða ferð suður með sjó í gærkvöldi, þegar þær lögðu lið Grindavíkur í Domino‘s deild kvenna í körfuknattleik. Grindvíkingar höfðu yfirhöndina nær allan leikinn en með mikilli baráttu tókst Snæfellskonum að halda sér inni í leiknum allan tímann. Undir lokin tókst þeim að komast yfir í aðeins annað sinn í leiknum og stela sigrinum, 57-59.

Jafnt var á með liðunum í upphafi leiks. Snæfell leiddi 5-6 eftir þrjár mínútur áður en Grindavík komst í 11-10. Heimaliðið tók smá rispu eftir það og leiddi 18-13 eftir upphafsfjórðunginn. Grindavík hafði yfirhöndina í öðrum leikhluta, en Snæfellskonur voru þó aldrei langt undan. Hólmarar minnkuðu muninn í fjögur stig seint í leikhlutanum en Grindvíkingar áttu lokaorðið í fyrri hálfleik og fóru með níu stiga forskot inn í hléið, 38-29.

Þriðji leikhluti var kaflaskiptur. Snæfell byrjaði á að minnka muninn í fimm stig áður en Grindavík jók forskotið aftur í níu stig. Snæfellskonur áttu lokaorðið í þriðja leikhluta og voru fimm stigum undir fyrir lokafjórðunginn, 48-43. Fjórði leikhlutinn var æsispennandi. Snæfellskonum tókst með mikilli baráttu að feta sig nær Grindvíkingum. Þegar þrjár mínútur lifðu leiks voru þær tveimur stigum undir og allt galopið. Þá tóku Snæfellskonur smá rispu, náðu forystunni í aðeins annað skiptið í leiknum og tókst að stela sigrinum á lokaandarmínútunum. Snæfell vann tveggja stiga sigur, 57-59.

Amarah Coleman var stigahæst í liði Snæfells með 18 stig, en hún tók 14 fráköst að auki og gaf átta stoðsendingar. Emese Vida skoraði 14 stig og reif niður 19 fráköst, Veera Pirttinen skoraði 13 stig, Gunnhildur Gunnarsdóttir var með tólf stig og fimm fráköst og Björg Guðrún Einarsdóttir skoraði tvö stig.

Jordan Reynolds skoraði 19 stig, tók ellefu fráköst og gaf sjö stoðsendingar í liði Grindavíkur. Hrund Skúladóttir og Bríet Sif Hinriksdóttir skoruðu báðar níu stig og tóku sex fráköst en aðrar höfðu minna.

Eftir tvo sigurleiki í röð sitja Snæfellskonur í sjötta sæti deildarinanr með tólf stig, átta stigum á eftir Skallagrími í sætinu fyrir ofan og með átta stiga forskot á Breiðablik. Næst leika Snæfellskonur gegn Haukum í Stykkishólmi miðvikudaginn 5. febrúar.

Snæfellskonur stálu sigrinum