Á Íslandsmeistaramóti í 25 m laug, sem fram fór um í Ásvallalaug í Hafnarfirði um síðustu helgi, var einn Íslandsmeistari frá Sundfélagi Akraness auk þess sem fjögur silfur komu á Akranes. Alls voru 188 keppendur frá 15 félögum á mótinu og þar af komu átta frá Akranesi. „Sundkrakkarnir áttu mjög góða helgi og stemningin í hópnum var mjög góð,“ segir í tilkynningu sem barst frá sundfélaginu. Persónulegar bætingar voru alls 38 og syntu þau 20 sinnum til úrslita á mótinu. Eftir nokkurt hlé skráði Ágúst Júlíusson sig til leiks og skilaði örugglega Íslandsmeistaratitli í 50 m flugsundi á tímanum 24.54, sem er aðeins 0,03 frá hans besta tíma. Þá vann Brynhildur Traustadóttir fjögur silfurverðlaun á mótinu. Fyrst fyrir 400 m skriðsund, þar sem hún bætti sig um eina sekúndu og synti á tímanum 4.22.43. Annan silfurpeninginn hlaut hún fyrir 200 m skriðsund þar sem hún fór á tímanum 2.07.48 sem jafnframt var hennar besti tími. Þá nældi hún sér í silfur í 800 m skriðsundi, þar sem hún bætti tímann um fjórar sekúndur og synti á tímanum 9.10.84. Það sund fór hún aðeins 35 mínútum eftir að hafa lokið við 200 m skriðsund. Fjórði silfurpeningurinn kom fyrir 1500 m skriðsund, þar sem hún synti við sinn besta tíma 17.24.35. Þá syndi Brynhildur sig inn í úrtlit í 50 m skriðsundi á símanum 27.59 og í boðsundi bætti hún tímann sinn fyrir 100 m og fór í fyrsta skipti undir mínútu eða á tímanum 59.87.

Guðbjörg Bjartey Guðmundsdóttir stóð sig einnig vel í sprettsundi um helgina. Hún fór 50 m bringusund og var fjórða á tímanum 35.14, sem er bæting um 0,7 sekúndur. Hún var einnig fjórða í 100 m bringusundi þegar hún fór á 1.17,31, sem jafnframt er hennar besti tími. Þá bætti hún sig um tvær sekúndur í 100 m fjórsundi þar sem hún synti á tímanum 1.09,38. Í 200 m bringusundi synti hún á tímanum 2.50,57 og hafnaði í 7. sæti. Í 4×50 boðsundi fór hún á 28,14 og bætti sig um 0,8 sekúndur.

Ragnheiður Karen Ólafsdóttir varð fimmta í 100 m fjórsundi og bætti tímann sinn um þrjár sekúndur þegar hún synti á tímanum 1.09,28. Eftir meiðsli hefur Ragnheiður ekki getað æft og keppt í bringusundi í hálft ár, en er ný byrjuð aftur að synda það sund og gekk mótið mjög vel og var hún við sína bestu tíma. Hún hafðnaði í 5. sæti á tímanum 35,50 í 50 m bringusundi og í 100 m bringusundi hafnaði hún í 7. sæti á tímanum 1.18,06.

Ingibjörg Svava Magnúsdóttir átti góðar bætingar um helgina en í 400 m skriðsundi fór hún á tímanum 4.50,15, sem er bæting um fjórar sekúndur. Hún synti aðeins undir sínum besta tíma í 1500 m skriðsundi og hafnaði í 6. sæti. Hún bætti sig um fimm sekúndur í 800 m skriðsundi á símanum 10.03,05 auk þess sem hún bætti sig um sekúndu í 200 m skriðsundi á tímanum 2.19,06.

Enrique Snær Llorens bætti sig einnig töluvert um helgina. Hann fór 400 m skriðsund á tímanum 4.13,93, sem var bæting um sex sekúndur og sjötta sæti. Í 1500 m skriðsundi bætti hann sig um 20 sekúndur þegar hann synti á tímanum 16.55,35. Þá hafnaði hann í 7. sæti í 200 m flugsundi. Hann synti í undanúrslitum í 200 m fjórsundi á tímanum 2.15,00 og bætti sig þar um þrjár sekúndur og átti úrslitasæti. Hann ákvað þó að skrá sig út til að einbeita sér að 1500 m skriðsundinu.

Sindri Andreas Bjarnason bætti sig einnig mikið um helgina. Í 50 m skriðsundi bætti hann sig um 1,42 sekúndu og synti á tímanum 25,00 og hafnaði í 5. sæti. Hann fór í fyrsta skipti undir tvær mínútur í 200 m skriðsundi og var besti tíminn í undanrásum 1.59,13 en í úrslitum fór hann á 1.59,62 og hafnaði í 6. sæti. Í 400 m skriðsundi synti Sindri á 4.14,42 og bætti sig um fimm sekúndur og hafnaði í 7. sæti. Þá varð hann einnig sjöundi í 50 m baksundi á tímanum 28.73, sem var bæting um þrjár sekúndur. Í 100 m skriðsundi synti hann á tímanum 54,78 og bætti sig um 0,4 sekúndur. Í 100 m flugsundi náði hann bæting um tvær sekúndur þegar hann fór á tímanum 1.01.34.

Atli Vikar Ingimundarson fór 100 m flugsund á 59,68 í morgunhlutanum en í úrslitum synti hann á 1.00,19 og hafnaði í 6. sæti. Þá synti hann mjög gott boðsund, sérstaklega 200 m skriðsund þar sem hann fór á 2,03 og 100 m baksund á 1.04,95.

Sundfélag Akraness náði góðum árangri í Hafnarfirði um helgina