medium

large

thumbnail

1536x1536

2048x2048

small

custom-size

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

Auglýsa störf nýliða í slökkviliðinu

core/freeform

Piltarnir í 2. flokki ÍA unnu stórsigur á eistneska liðinu Levadia Tallin, 4-0, þegar liðin mættust í fyrstu umferð unglingadeildar UEFA í gær. Leikið var á Akranesvelli.

Skagamenn komust yfir á 22. mínútu þegar Sigurður Hrannar Þorsteinsson, markakóngur Íslandsmótsins, skoraði með skalla af stuttu færi eftir hornspyrnu.

Fleiri mörk voru ekki skoruð í fyrri hálfleik, en áhorfendur þurftu ekki að bíða lengi inn í síðari hálfleikinn eftir næsta marki. Á 48. mínútu sendi Marteinn Theodórsson hættulega fyrirgjöf fyrir markið frá hægri. Hann skrúfaði boltann með vinstri fæti inn að markinu þar sem enginn náði til hans og hann hafnaði í fjærhorninu. Glæsilegt mark hjá Marteini.

Skagamenn voru sterkara lið vallarins það sem eftir lifði leiks, sóttu í sig veðrið eftir því sem á leið og sköpuðu sér hættulegri marktækifæri. Gestirnir frá Eistlandi tóku nokkrar rispur en voru almennt í erfiðleikum með að brjótast í gegnum sterka vörn ÍA.

Brynjar Snær Pálsson skoraði eftir hornspyrnu á 70. mínútu og kom Skagamönnum í 3-0 og það var síðan Sigurður Hrannar sem innsiglaði 4-0 sigur ÍA á 85. mínútu með marki úr vítaspyrnu.

Skagamenn standa vel að vígi fyrir seinni leik liðanna, sem fram fer í Eistlandi miðvikudaginn 23. október næstkomandi. Sigurvegarinn úr viðureignum ÍA og Levadia mun sigurvegaranum úr viðureign Derby eða Minsk í næstu umferð sem fram fer í nóvember.

Unnu stórsigur á Levadia