medium

large

thumbnail

1536x1536

2048x2048

small

custom-size

Grásleppusjómenn fagna lengingu veiðitímabilsins – myndasyrpa

Hlynur Blær gefur bílum nýjan blæ

Brúin komin á sinn stað yfir Berjadalsá

ÞB Borg reisir glæsihýsi í Stykkishólmi

Brást illa við afskiptum lögreglu

Fjölmenningarskóli Vesturlands tekinn til starfa

core/freeform

Knattspyrnuþjálfarinn Ejub Purisevic er hættur sem þjálfari Víkings Ó. eftir að hafa starfað hjá félaginu og þjálfað meistaraflokk karla nær samfellt í 17 ár. „Knattspyrnudeild Víkings Ó. og Ejub Purisevic hafa tekið sameiginlega ákvörðun um að ljúka 17 ára farsælu samstarfi sínu,“ segir í tilkynningu frá Víkingi Ó.

Ejub kom fyrst til Víkings árið 2003 sem spilandi þjálfari og undir hans stjórn hafa Ólafsvíkingar skipað sér í hóp með betri knattspyrnuliðum landsins. Liðið var nánast á botninum í neðstu deild þegar hann tók við liðinu en var komið í næstefstu deild árið 2005. Undir stjórn Ejubs komst Víkingur Ó. í fyrsta sinn í deild þeirra bestu árið 2013 og aftur léku Ólafsvíkingar þar 2016 og 2017. „Árangur Ejubs með liðið undanfarin ár hefur verið frábær en til marks um það má nefna að undanfarin níu tímabil hefur liðið aldrei endað neðar en í fjórða sæti í B-deild. Þá hefur liðið spilað þrjú tímabil í deild þeirra bestu og tvívegis komist í undanúrslit í bikarkeppni,“ segir í tilkynningu félagsins.

Fyrir störf sín í þágu félagsins var Ejub sæmdur gullmerki Víkings Ó. á lokahófi liðsins, sem haldið var um síðustu helgi. Í tilkynningu félagsins eru honum færðar þakkir fyrir framlag sitt til uppbyggingar knattspyrnu í Snæfellsbæ og óskað velfarnaðar í framtíðinni. „Ejub er, og verður alltaf, stór hluti af knattspyrnusögu Ólafsvíkur.“

Ejub kveður Víking Ó.