medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Ungmenni í vinnuskólanum í Borgarnesi hafa verið dugleg að dytta að og fegra bæinn sinn í sumar. Eru ýmis verk sem þarf að vinna og sinna yfir sumartímann og eru mörg verkefnanna eitthvað sem gleður bæjarbúa og gesti sem eiga leið um bæinn.

Í síðustu viku lappaði vinnuhópurinn upp á bekk sem er staðsettur fyrir neðan Egilsgötuna og málaði hópurinn hann eldrauðan í stíl við vegglistina þar hjá, en þessi bekkur hefur verið vinsæll staður meðal ferðamanna að tylla sér á. Settu ungmennin niður staura og máluðu gönguleiðir upp á útivistarsvæðinu Einkunnum rétt fyrir ofan bæinn ásamt því að hreinsa fjöruna í Englendingavík af glerbrotum og rusli.

Einnig hefur hópurinn útbúið skemmtilegt og litríkt skilti sem blasir við þegar fólk tekur vinstri beygjuna inn í bæinn. Skiltið er staðsett á túninu andspænis heilsugæslustöðinni og því vel áberandi við aðalgötu bæjarins. Þar má lesa ýmislega áhugaverða staði sem leynast í nærumhverfinu og fjær og reynist góður byrjunarreitur fyrir gesti bæjarins sem ekki eru vissir hvert skal fara. Til dæmis er Eyjafallajökull merktur, sundlaugin í Borgarnesi, vatnstankurinn upp í Bjargslandi og Ástralía svo fátt eitt sé nefnt.

Dytta að umhverfinu