Meistaraflokkur kvenna í körfuknattleik hjá Skallagrími hefur endurnýjað samninga sína við þær Árnínu Lenu Rúnarsdóttur og Örnu Hrönn Ámundadóttur. Munu þær spila með liðinu í Domino‘s deildinni á komandi tímabili.

Árnína kom frá Njarðvík fyrir síðasta tímabil og var hún fastamaður í liðinu með 4,6 stig að meðaltali í leik. Hún er 25 ára og leikur stöðu framherja.

Arna Hrönn er 17 ára og uppalinn Skallagrímskona. Hún leikur stöðu bakvarðar og hefur verið í meistaraflokki undanfarin tímabil og tekið góðum og jöfnum framförum. Á meðfylgjandi myndum má sjá þær Árnínu og Örnu handsala samninga sína við Guðveigu Lind Eyglóardóttur hjá meistaraflokksráði kvenna.

Árnína og Arna áfram hjá Skallagrími