medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

ÍA og Valur mættust í hörkuleik í 14. umferð Pepsi Max deildar karla í knattspyrnu í gærkvöldi. Leikið var á Akranesi og lauk leiknum með sigri Valsmanna, 1-2.

Gestirnir voru öflugri í upphafi leiks og komust yfir á 16. mínútu eftir mistök Skagamanna. Arnór Snær Guðmundsson steig ofan á boltann og Kristinn Freyr Sigurðsson komst einn á móti Árna Snæ Ólafssyni í marki Skagamanna. Kristinn var óeigingjarn, lagði boltann á Sigurð Egil Lárusson sem gat ekki annað en skorað.

Skagamenn voru nálægt því að jafna á 24. mínútu. Albert Hafsteinsson sendi fyrir markið á Stefán Teit Þórðarson sem smellhitti boltann en Hannes Halldórsson varði glæsilega á þverslána og yfir. Upp úr hornspyrnunni kom síðan jöfnunarmarkið. Stefán Teitur fékk boltann, sendi hann á Hall Flosason sem stangaði hann í netið. Staðan orðin 1-1 og þannig var hún í hálfleik.

Tryggvi Hrafn Haraldsson var nálægt því að koma ÍA yfir á upphafsmínútu síðari hálfleiks, en skot hans fór rétt framhjá markinu. Bæði lið áttu sín hálffæri næstu 20 mínúturnar eða svo. En á 58. mínútu dró til tíðinda þegar Patrick Pedersen féll í vítateignum eftir viðskipti sín við Arnar Má Guðjónsson. Vítaspyrna var dæmd en Skagamenn voru allt annað en sáttir við þá niðurstöðu. Patrick fór sjálfur á punktinn og skoraði af miklu öryggi.

Skagamenn lágu á Valsmönnum á lokamínútum leiksins en tókst ekki að jafna metin. Bjarki Steinn Bjarkason komst í gott færi í uppbótartíma en skaut boltanum yfir markið. Það voru því Valsmenn sem fóru með sigur af hólmi á Akranesvelli.

Skagamenn sitja í þriðja sæti deildarinnar með 22 stig, stigi á eftir Breiðabliki í sætinu fyrir ofan en með tveggja stiga forskot á Val.

Næst leika Skagamenn á móti FH í Hafnarfirði þriðjudaginn 6. ágúst næstkomandi.

Skagamenn töpuðu í hörkuleik