medium

thumbnail

small

custom-size

Fyrri umferð biskupskosningar lokið – Elínborg datt út

large

1536x1536

2048x2048

Vel mætt á fund miðbæjarsamtakanna um Akratorg

Úthlutað úr Minningarsjóði Heimis Klemenzsonar

Skýlaus krafa um að leyfi til hvalveiða verði tafarlaust gefið út

KSÍ og Jóhannes Karl framlengja

Komu heim hlaðin verðlaunum af ÍM50 í sundi

core/freeform

Skagamenn töpuðu 2-1 fyrir KR þegar liðin mættust í úrslitaleik Lengjubikars karla í gærkvöldi. Leikið var í Laugardalnum í Reykjavík.

Um hörkuleik var að ræða. Mikið jafnræði var með liðunum frá upphafi til enda og lítið sem skildi liðin að. Bæði lið fengu sín marktækifæri framan af fyrri hálfleiknum. Á 23. mínútu skoraði Pablo Punyed með fallegu skoti af vítateigsboganum eftir góðan undirbúning Óskars Arnar Haukssonar og KR-ingar komnir yfir. Skagamenn voru hins vegar ekki lengi að svara fyrir sig. Aðeins tveimur mínútum síðar átti ÍA liðið laglega sókn. Með einnar snertingar samleik við vítateiginn spiluðu þeir sig í gegnum vörn KR-inga þar sem Bjarki Steinn Bjarkason lagði boltann snyrtilega í markið. Fleiri mörk voru ekki skoruð í fyrri hálfleik og staðan því 1-1 í hléinu.

Síðari hálfleikur var að flestu leyti svipaður þeim fyrri. Jafnt var á með liðunum og hart barist. Þegar yfir lauk var í raun aðeins eitt atriði sem skildi á milli og það voru slæm varnarmistök Skagamanna á 54. mínútu. Þau urðu til þess að Björgvin Stefánsson slapp einn í gegn og kláraði færið glæsilega með því að lyfta boltanum yfir Árna Snæ Ólafsson í markinu. Skagamenn reyndu hvað þeir gátu að sækja og jafna metin það sem eftir lifði leiks. Til þess fengu þeir nokkur ágætis marktækifæri. KR-liðið féll til baka og beitti skyndisóknum sem oft sköpuðu hættu í vörn ÍA. Hvorugu liðin tókst hins vegar að nýta færin sín og lokatölur því 2-1, KR í vil.

Skagamenn ljúka því keppni í öðru sæti Lengjubikarsins. Framundan er Íslandsmótið í knattspyrnu, þar sem liðið leikur í Pepsi Max deildinni. Þar hefjast leikar í lok mánaðarins.

Tap í jöfnum úrslitaleik