medium

large

thumbnail

1536x1536

small

custom-size

Akranesmótið í pílu um helgina

2048x2048

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

core/freeform

ÍA mátti játa sig sigrað gegn Leikni R., 108-118, þegar liðin mættust í 2. deild karla í körfuknattleik í gærkvöldi. Leikið var á Akranesi. ÍA var fyrir leikinn með 16 stig í fjórða sæti deildarinnar, sem veitir sæti í úrslitakeppninni, en gestirnir í því sjötta með tólf stig en einn leik til góða í mótinu.

Skagamenn voru öflugri framan af fyrsta leikhluta og leiddu á einum tímapunkti með átta stigum. Þá tóku gestirnir við sér, komu sér snarlega inn í leikinn aftur og tóku forystuna. Mikið var skorað og Leiknir leiddi með fimm stigum eftir fyrsta leikhluta, 33-38. Jafnræði var með liðunum í öðrum leikhluta og lítið sem skildi á milli liðanna. Gestirnir leiddu með örfáum stigum en Skagamenn fylgdu þeim eins og skugginn. Staðan í hálfleik var 62-67 fyrir Leikni.

Gestirnir komu ákveðnir til síðari hálfleiks, höfðu yfirhöndina í þriðja leikhluta og leiddu með tíu stigum að honum loknum, 90-100. Skagamenn náðu góðri rispu í lokafjórðungnum þar sem þeir minnkuðu muninn í fimm stig en nær komust þeir ekki. Gestirnir fóru með sigur af hólmi, 108-118.

ÍA hefur því enn 16 stig og situr eins og áður í fjórða sæti deildarinnar, með jafn mörg stig og KV í sætinu fyrir neðan og tveggja stiga forskot á Leikni í sjötta sætinu. Næsti leikur ÍA er annar mikilvægur leikur í baráttunni um sæti í úrslitakeppninni, því Skagamenn heimsækja KV á sunnudaginn, 17. mars næstkomandi.

ÍA í harðri baráttu um sæti í úrslitakeppni