Félagar úr Keilufélagi Akraness gerðu gott mót á Íslandsmóti unglinga í keilu, sem haldið var helgina 9. og 10. febrúar síðastliðna. Krakkarnir sneru heim með sjö verðlaun í heildina, þar af fjóra Íslandsmeistaratitla.

Jóhann Ársæll Atlason fagnaði Íslandsmeistaratitli í opnum flokki og hann hafnaði í öðru sæti í 1. flokki pilta. Sindri Már Einarsson varð þriðji í 3. flokki pilta, Sóley Líf Konráðsdóttir sigraði í 3. flokki stúlkna, Adda Steina Sigþórsdóttir hafnaði í þriðja sæti í sama flokki, Matthías Leó Sigurðsson sigraði í 4. flokki pilta og Særós Erla Jóhönnudóttir sótti verðlaun í 5. flokki stúlkna, en allir keppendur fá verðlaun í 5. flokki. „Allir keppendur stóðu sig vel. Oft á tíðum er keppnin ansi hörð og þá reynir á keppnisskapið. Markmiðið er að hver og einn geri alltaf sitt besta miðað við sjálfan sig og svo kannski örlítið meira en það. Keppendur allra félaga sýndu af sér prúðmennsku og eru keiluíþróttinni til sóma,“ segir í tilkynningu á Facebook-síðu Keilufélags Akraness.

Sóley Líf Konráðsdóttir sigraði í 3. flokki stúlkna og Adda Steina Sigþórsdóttir hafnaði í þriðja sæti.

Matthías Leó Sigurðsson varð Íslandsmeistari í 4. flokki pilta.

Særós Erla Jóhönnudóttir sótti verðlaunapeninginn í 5. flokki stúlkna, en í 5. flokki er ekki keppt um titil heldur eru allir keppendur sigurvegarar.

Keiluspilarar sóttu verðlaun á Íslandsmót unglinga