Valdís Þóra Jónsdóttir, atvinnukylfingur úr Golfklúbbnum Leyni, hóf leik á Handa Vic Open mótinu í Ástralíu í nótt. Mótið er hluti af LPGA mótaröðinni.

Valdís fór fyrri níu holur Beach vallarins á pari, þar sem hún fékk einn fugl og einn skolla. Á seinni hringnum kom hún sér einu höggi undir parið og hélt því allt þar til á áttundu holunni. Þá fékk hún skolla og endaði hringinn á pari vallarins, 72 höggum. Eftir hringinn er hún jöfn í 77. sæti af 156 keppendum. Valdís hefur leik á öðrum hring mótsins í kvöld, en þá verður leikið á Creek vellinum.