medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Skagamenn unnu góðan sigur á Ármanni í 2. deild karla í körfuknattleik í gærkvöldi, 106-89. Leikið var í íþróttahúsinu við Vesturgötu á Akranesi.

Skagamenn voru sterkari í upphafsfjórðungnum og leiddu með 14 stigum að honum loknum, 31-17. Ármenningar komu aðeins til baka í öðrum leikhluta áður en Skagamenn tóku góða rispu og leiddu með 15 stigum í hálfleik, 56-41.

Gestirnir minnkuðu muninn í sex stig í upphafi síðari hálfleiks. En eftir það hafði ÍA undirtökin á vellinum og með góðum kafla tryggðu þeir sér 24 stiga forskot fyrir lokafjórðunginn. Staðan 81-65 og Skagamenn komnir í vænlega stöðu. Þeir héldu Ármenningum í skefjum í fjórða leikhluta og unnu að lokum með 17 stigum, 106-89.

Arnar Smári Bjarnason var stigahæstur í liði ÍA með 25 stig, Hjalti Ásberg Þorleifsson skoraði 15, Jerome Cheadle var með 13 stig og Jón Frímannsson ellefu.

Í liði gestanna var Arnór Sfjalarsson stigahæstur með 33 stig, Guðjón Hlynur Sigurðarson skoraði 19 stig og Brynjar Birgisson lauk leik með tólf stig.

Skagamenn hafa 13 stig í fjórða sæti deildarinnar, jafn mörg og KR B í sætinu fyrir ofan og tveimur stigum meira en KV í sætinu fyrir neðan. Næst leikur ÍA sunnudaginn 10. febrúar næstkomandi, þegar liðið heimsækir Val B.

Skagamenn sterkari allan tímann