medium

large

thumbnail

1536x1536

2048x2048

small

custom-size

Skagamenn í 16-liða úrslit í Mjólkurbikarnum – Dregið í hádeginu

Veturinn kvaddi með þunga og skemmdum á þakköntum

Lýðheilsuverðlaunin afhent á Bessastöðum

Annir hjá björgunarsveitum í gær á sumardaginn fyrsta

Tíu frambjóðendur komnir með lágmarksfjölda meðmælenda

Harðviðarbryggja í smíðum í Ólafsvík

core/freeform

Hestamannafélagið Glaður í Dölum fagnar 90 ára afmæli sínu í ár og af því tilefni var efnt til afmælisveislu og árshátíðar hestamanna á Vesturlandi um liðna helgi. Að sögn Þórðar Ingólfssonar var veislan góð, þétt setið í salnum og vel heppnuð samkoma í alla staði. „Hrossaræktarsamband Vesturlands hélt haustfund fyrr um daginn og kom það mjög vel út að skeyta þessu svona saman. Um kvöldið borðuðum við saman góðan mat og skemmtum okkur fram undir morgun,“ segir Þórður í samtali við Skessuhorn.

Meðan á veisluhöldum stóð var tilkynnt um átta heiðursfélagar Glaðs. Það voru Margrét Guðbjartsdóttir, Kristján Gíslason, Marteinn Valdimarsson, Svavar Jensson, Gunnar Örn Svavarsson, Ingibjörg Eyþórsdóttir, Gísli Þórðarson og Grettir B Guðmundsson en þau hafa öll unnið mikið og óeigingjarnt starf í þágu félagsins. „Það skiptir allt máli í þessu samhengi, að vera virkur í hrossarækt, keppni, félagsstarfi eða mótahaldi. En það er mikil sjálfboðavinna sem fer fram í félagi sem þessu,“ segir Svala Svavarsdóttir fulltrúi í stjórn Hestamannafélagsins Glaðs.

Félaginu voru færðar veglegar gjafir í tilefni afmælisins. Lárus Ástmar Hannesson formaður Landssambands hestamanna færði Glaði klukku fyrir hönd LH til að hengja upp í reiðhöllinni. Marteinn Valdimarsson færði Glaði einnig klukku í reiðhöllina fyrir hönd Hestamannafélagsins Borgfirðings. „Báðir aðilar hafa gert sér grein fyrir því að hestamenn eru algjörlega tímalausir en kannski þarf bara klukku í báða enda, svo þeir mæti heim á réttum tíma í mat,“ segir Svala. Ása Hólmarsdóttir færði Glaði hljóðbúnað í reiðhöllina frá Hestamannafélaginu Dreyra og Herborg Sigurðardóttir færði félaginu fallegan farandskjöld fyrir hönd Snæfellings. Síðast en ekki síst gaf Kvenfélagið Fjólan félaginu 200.000 krónur til að styrkja öflugt barna- og fræðslustarf. „Við Glaðsmenn erum afar þakklát fyrir góðar gjafir og ekki síst góða mætingu í afmælið og á árshátíðina,“ segir Svala.

Glaðsmenn fögnuðu níræðisafmæli félagsins