medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Skallagrímsmenn máttu sætta sig við tap í kaflaskiptum leik gegn Haukum. 82-80, þegar liðin mættust í sjöttu umferð Domino‘s deildar karla. Leikið var í Hafnarfirði á föstudagskvöld.
Borgnesingar byrjuðu leikinn af krafti og voru mun sterkari allan upphafsfjórðunginn. Þeir náðu mest tólf stiga forskoti í stöðunni 10-22 en leiddu með átta stigum eftir leikhlutann, 18-26. Dæmið snerist síðan við í öðrum fjórðungi. Haukar voru mjög öflugir og ekki lengi að koma gera forystu Skallagríms að engu. Þeir komust síðan yfir um miðjan leikhlutann og leiddu með tíu stigum í hálfleik, 46-36.
Skallagrímsmenn fóru mikinn í upphafi síðari hálfleiks, skoruðu tólf stig fyrstu þrjár mínúturnar á móti aðeins tveimur stigum heimamanna og jöfnuðu metin, 48-48. Þeir tóku síðan forystuna og héldu henni þar til Haukar jöfnuðu í 67-67 fyrir lokafjórðunginn. Sá var heldur betur spennandi. Liðin skipust á að skora og hart var barist. Þegar þrjár mínútur lifðu leiks leiddu Haukar með 82 stigum gegn 80, en þá var eins og lok hefði verið sett á báðar körfurnar því hvorugu liðinu tókst að skora eftir það. Skallagrímsmenn fengu tækifæri til að jafna eða sigra en höfðu ekki erindi sem erfiði. Leiknum lauk því með sigri Hauka, 82-80.
Aundre Jackson skoraði 23 stig fyrir Skallagrím, tók átta fráköst og gaf sex stoðsendingar. Björgvin Hafþór Ríkharðsson var með 23 stig einnig og sex fráköst og Hjálmar Stefánsson skoraði 18 stig, tók sex fráköst og gaf átta stoðsendingar.
Hilmar Smári Henningsson skoraði 23 stig fyrri heimamenn og gaf sjö stoðsendingar, Hjálmar Stefánsson var með 18 stig og sjö fráköst og Marques Oliver skoraði 16 stig og tók sjö fráköst.
Skallagrímur situr í áttunda sæti deildarinnar með  fjögur stig eftir sex leiki, jafn mörg og Grindavík í sætinu fyrir neðan en tveimur stigum á eftir næstu liðum. Keflvíkingar eru næstu andstæðingar Skallagríms. Liðin mætast í Borgarnesi fimmtudaginn 15. nóvember næstkomandi.

Tap í kaflaskiptum leik