medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Ísland er enn án sigurs í A deild Þjóðadeildar UEFA eftir 2-1 tap gegn Sviss á Laugardalsvellinum í gærkvöldi.

Fyrri hálfleikur var fremur tíðindalítill og lítið um opnanir. Staðan í hléinu var því 0-0 en Svisslendingar byrjuðu síðari hálfleikinn af krafti. Þeir komust yfir á 52. mínútu þegar Haris Seferovic skoraði með skalla af stuttu færi. Þeir höfðu góð tök á leiknum eftir markið og bættu við öðru marki á 67. mínútu þegar Michael Lang skoraði af stuttu færi eftir að Svisslendingar höfðu galopnað vörn Íslands.

Það var síðan á 81. mínútu sem Alfreð Finnbogason skoraði glæsilegt mark með þrumuskoti af löngu færi og minnkaði muninn í 2-1. Íslenska liðið sótti stíft á lokamínútum leiksins og gestirnir mega prísa sig sæla að halda forystunni. Í eitt skiptið björguðu Svisslendingar á marklínu eftir þunga sókn íslenska liðsins, sem var hættulegt fram á við um leið og það öðlaðist sjálfstraust til að sækja. En þrátt fyrir að hafa legið á gestunum undir lokin tókst Íslandi ekki að skora og Sviss fór því með 2-1 sigur af Hólmi.

Ísland hefur tapað öllum þremur leikjum sínum í Þjóðadeildinni, tveimur gegn Sviss og einum gegn Belgíu. Því er útséð að Ísland fellur niður í B deild þjóðadeildarinnar, þrátt fyrir að einn leikur gegn Belgíu sé eftir. Sá fer fram í Brussel fimmtudaginn 15. nóvember næstkomandi.

Ísland án sigurs í Þjóðadeildinni