medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

Snæfellskonur gerðu sér lítið fyrir og lögðu Íslandsmeistara Keflavíkur, 87-75, þegar liðin mættust í Domino‘s deild kvenna á laugardag. Leikurinn var jafnframt fyrsti heimaleikur Stykkishólmsliðsins í vetur.

Snæfellskonur byrjuðu af krafti og komust í 10-0 áður en gestirnir komust á blað. Þær höfðu yfirhöndina allan fyrsta leikhlutann og höfðu afgerandi forystu að honum loknum, 34-18. Keflavíkurliðið tók aðeins við sér í öðrum fjórðungi en Snæfell var þó áfram mun sterkara lið vallarins og leiddi með 14 stigum í hléinu, 50-36.

Snæfellskonur héldu uppteknum hætti í þriðja leikhluta og réðu ferðinni inni á vellinum. Þær leiddu 73-55 eftir þiðja leikhluta og sigldu síðan sigrnium heim í þeim fjórða. Keflavík náði að minnka forskotið niður í 12 stig en sigur Snæfells var aldrei í hættu. Lokatölur urðu 87-75.

Kristen McCarthy var algerlega frábær í liði Snæfells með skoraði 28 stig 15 fráköst, átta stoðsendingar og hvorki fleiri né færri en tíu stolna bolta. Helga Hjördís Björnsdóttir var með 20 stig og Gunnhildur Gunnarsdóttir 15 stig, fimm fráköst og sjö stoðsendingar.

Brittany Dinkins var atkvæðamest í liði Keflavíkur með 35 stig, tólf fráköst og sex stoðsendingar og Bryndís Guðmundsdóttir 17 stig.

Snæfell hefur sigrað báða leiki sína í vetur og hefur því fjögur stig eftir tvo fyrstu leikina. Næst leikur Snæfell gegn Stjörnunni á útivelli miðvikudaginn 17. október næstkomandi.

Snæfell sigraði Íslandsmeistarana