medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

core/freeform

Skallagrímskonur máttu játa sig sigraðar gegn Val, 71-51, þegar liðin mættust í fyrstu umferð Domino‘s deildar kvenna í gær.

Leikurinn á Hlíðarenda fór hægt af stað og liðin höfðu skorað sjö stig hvort þegar komið var fram yfir miðjan fyrsta leikhluta. Eftir það náðu Skallagrímskonur góðri rispu og leiddu með átta stigum fyrir annan fjórðung, 9-18. Valsliðið kom sér snarlega upp að hlið Skallagríms í upphafi annars leikhluta og fylgdu Borgnesingum eins og skugginn það sem eftir lifði fyrri hálfleiks. Staðan í hléinu var 29-33, Skallagrími í vil.

Valur náði undirtökunum í leiknum snemma í síðari hálfleik. Liðið náði átta stiga forskoti um miðjan þriðja fjórðungi og tókst með góðum endaspretti að auka hana í tólf stig áður en leikhlutinn var úti. Skallagrímskonur náðu ekki að svara fyrir sig og það sem eftir lifði leiks jók Valur hægt og rólega forystuna og vann að lokum með 20 stigum, 51-71.

Shequila Joseph var atkvæðamest í liði Skallagríms með 17 stig og 17 fráköst. Bryesha Blair skoraði 13 stig og Sigrún Sjöfn Ámundadóttir var með átta stig og fimm stoðsendingar.

Í liði Vals var Brooks Johnsons með 20 stig og 16 fráköst, Guðbjörg Sverrisdóttir 18 stig og ellefu fráköst, Bergþóra Holton Tómasdóttir 14 stig og fimm fráköst og Ásta Júlía Grímsdóttir ellefu stig og sex fráköst.

Næsti leikur Skallagríms er jafnframt fyrsti heimaleikur vetrarins. Hann fer fram miðvikudaginn 10. október næstkomandi, þegar liðið mætir Breiðabliki í Borgarnesi.

Botninn datt úr leik Skallagríms í síðari hálfleik