medium

large

thumbnail

1536x1536

2048x2048

small

custom-size

Vígreif í hefðbundnu karlastarfi

Lóa Arianna sigraði í Stóru upplestrarkeppninni

Héraðsþing HSH var haldið á Lýsuhóli

Snæfell tapaði eftir framlengingu og féll í fyrstu deild

Stórsýningin Verk og vit fer nú fram í Laugardalnum – myndasyrpa

Ný stjórn Byggðastofnunar

core/freeform

„Aðalstjórn körfuknattleiksdeildar Skallagríms ásamt meistaraflokksráðum karla og kvenna og yngri flokka ráði hafa undirritað samkomulag þess efnis að jöfn skipting verði á öllu styrktar- og samstarfssamningum sem deildin aflar hverju sinni.“ Þetta kemur fram í tilkynningu frá félaginu. „Með þessu er tryggt jafnræði milli karla og kvennaliða Skallagríms sem og yngri flokka þegar kemur að úthlutun þess fjármagns sem aflað er frá styrktaraðilum. Samkomulagið er í samræmi við ákvæði jafnréttisstefnu UMSB og áherslur Íþróttasambands Íslands í jafnréttismálum,“ segir í tilkynningunni.

„Stjórnir meistaraflokks karla og kvenna hafa unnið frábært starf síðastliðin ár, að koma samkomulaginu á koppinn. Miðað við umræðuna í samfélaginu um jafnrétti þá var talið við hæfi að drífa í þessu. Þetta er í rauninni okkar innlegg í þessa mikilvægu umræðu,“ segir Eðvar Ólafur Traustason, formaður körfuknattleiksdeildar Skallagríms, um ákvörðunin. „Við höfum fengið fullt af nýju og kraftmiklu fólki inn í stjórnun félagsins og allir eru að vinna að sama markmiði,“ bætir hann við. „Það er líka mikill hugur innan stjórnarinnar að setja enn meiri stuðning á bakvið yngri flokkana, þá sérstaklega kvennamegin og koma í veg fyrir brotthvörf leikmanna sem gerist oft þegar krakkar verða eldri. Við höfum komist að því að ef foreldrar vinna með okkur og eru virkir í starfinu með krökkunum þá er minna um að krakkar hætti að æfa. Það er mikilvægt fyrir lið eins og Skallagrím að hafa sterka innviði og gott yngri flokka starf sem skilar sér í meistaraflokks leikmönnum,“ útskýrir Eðvarð.

Samkomulag þetta markar ákveðin tímamót því eftir því sem best er vitað er körfuknattleiksdeild Skallagríms með fyrstu íþróttafélögunum sem stígur þetta skref innan körfuknattleikshreyfingarinnar á Íslandi. „Aðalstjórn lýsir yfir mikilli ánægju með samkomulagið og skorar á önnur félög að huga vel að jafnréttismálum innan sinna raða. Jöfnum leikinn. Jöfn tækifæri, öflugra samfélag,“ segir Eddi ákveðinn að lokum, spenntur fyrir vetrinum.

Tímamótasamkomulag sem tryggir jafnræði