Fjármálalæsi kennt sem valfag í framhaldsskólum

Aldís Ólafsdóttir kennir fjármálalæsi við Fjölbrautaskóla Vesturlands á Akranesi, auk annarra námsgreina. Fjármálalæsi hefur verið kennt við skólann undanfarin ár. Um er að ræða praktískt nám þar sem farið er yfir helstu atriði í fjármálum einstaklings og heimilis. Skessuhorn hitti Aldísi að máli fyrir helgi og ræddi við hana um fagið. „Ég byrjaði að kenna við FVA í janúar 2016 og líkar vel. Gunnar Magnússon hefur kennt þetta fag líka. Fjármálalæsi er því ekki alveg nýtilkomið en heldur ekki gamalt fag. Ég held þetta hafi verið kennt flesta vetur síðan 2007, eða um það bil,“ segir Aldís.

Fjármálalæsi er valfag og því allur gangur á því hvort kennt er að hausti eða vori. Þá fer það einnig eftir þátttöku hverju sinni hvort hægt er að kenna fagið hverju sinni. „En þrátt fyrir að þetta sé valfag er nemendahópurinn mestmegnis nýnemar, 16 ára krakkar, en alltaf nokkrir eldri sem eru þá að velja sér viðskiptatengdar greinar,“ segir hún.

Praktísk atriði

„Markmiðið með kennslu í fjármálalæsi er að krakkarnir verði fjármálalæsir og þekki grundvallaratriði sem snúa að fjármálum einstaklings og heimilis,“ útskýrir Aldís. „Í náminu læra nemendur ýmsa hluti, til dæmis helstu réttindi og skyldur launþega og verktaka, lífeyrisréttindi, viðbótarsparnað, skattgreiðslur, heimilisbókhald, skatttekjur ríkisins og útgjöld þess, góðar venjur í fjármálum og ýmislegt fleira,“ segir Aldís. „Krakkarnir læra að reikna út vaxtagreiðslur á lánum, svo sem hvað kostar að taka lán. Við höfum verið að kíkja á aurbjörg.is. Það er síða þar sem hægt er að bera saman lánakjör. Þannig geta krakkarnir verið meðvitaðir um hvar er billegast að taka lán,“ segir hún.

Nánar í Skessuhorni vikunnar sem kom út í gær.

„Í raun verið að kenna krökkunum á lífið“