medium

large

thumbnail

1536x1536

2048x2048

small

custom-size

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

core/freeform

Sigrún Elíasdóttir flytur erindi í Safnahúsi Borgarfjarðar í kvöld, fimmtudaginn 13. september kl. 19.30.  Erindi hennar fjallar um fantasíur, furður í bókmenntum og afþreyingariðnaði, og er hluti af fyrirlestraröð Safnahúss á árinu. „Um þessar mundir er sprenging í vinsældum fantasíuefnis, eða furðusagna eins og íslenska þýðingin hljóðar upp á. Innan furðusagna rúmast draugasögur, Ódysseifskviða, Harry Potter, Tolkien, Köngulóarmaðurinn, Game of Thrones og allt þar á milli. Sigrún fer yfir furðusviðið í máli og myndum á léttu nótunum. Og þar sem fantasíur eru ekki bara fyrir börn, eru fullorðnir, jafnt sem börn hvattir til að mæta og eiga skemmtilega og fróðlega kvöldstund í Safnahúsinu,“ segir í tilkynningu.

Í fyrirlestrinum verður farið yfir upphaf fantasíunnar í ævintýrum og goðsögum vegna þarfa fólks til að ímynda sér hið ómögulega. Þessi þörf hefur endurspeglast á margan hátt en oft ekki verið hátt skrifuð af menntafólki í samfélögum.

Sigrún Elíasdóttir er sagnfræðingur og rithöfundur. Hún hefur lokið MA námi í ritlist og hefur löngum haft mikinn áhuga á ævintýraheimum. Hún er fædd og uppalin í Borgarfirði og býr á Ferjubakka í Borgarhreppi.

Fyrirlestrar Safnahúss tengjast viðfangsefnum safnanna fimm sem í húsinu eru. Í september er alþjóðlegur dagur læsis. Þá er Bókasafnsdeginum fagnað í íslenskum bókasöfnum og er fyrirlestur Sigrúnar ekki síst haldinn af því tilefni. Vakin er athygli á að sama dag kl. 10.30 er Myndamorgunn á vegum Héraðsskjalasafnsins samkvæmt fyrri kynningu. Þar er óskað eftir aðstoð gesta við að greina ljósmyndir.

Fyrirlestur um fantasíu – furður í bókmenntum og afþreyingariðnaði