medium

large

thumbnail

1536x1536

2048x2048

small

custom-size

Hafnarstjórinn sem hefði getað orðið prestur

„Að vera á sjó var eins og hver önnur vinna“

Mikilvæg lífæð fyrir fólkið hér á svæðinu

Íbúafundur Miðbæjarsamtakanna í Tónbergi á mánudaginn

Viðunandi útkoma Dalabyggðar á síðasta ári

Óbyggðanefnd framlengir frest vegna eyja og skerja

core/freeform

Skagastelpur gerðu góða ferð í Laugardalinn þegar þær sigruðu Þróttara 2-1 í þrettándu umferð Inkassodeildarinnar á föstudaginn var. ÍA er í harðri baráttu við efstu lið deildarinnar og hafa þær gulklæddu verið á sigurgöngu síðustu vikur. Sigurinn á Þrótti var sá fjórði í röð og eru Skagastelpur til alls líklegar þegar líður á síðara hluta tímabilsins.

Mikil barátta var allsráðandi á upphafsmínútum leiks og augljóst að bæði lið voru staðráðin í að ná öllum stigunum. Eitthvað af marktækifærum litu dagsins ljós sem nýttust þó ekki. Heimakonur náðu þó að nýta eitt tækifærið og komust yfir á 29. mínútu þegar Gabríela Maria Mencotti skoraði fyrir Þrótt og var staðan þannig þegar lið gengu til hálfleiks.

Í þeim síðari komu Skagastúlkur mun áræðnari til leiks og voru staðráðnar í að leika vel og jafna metin. Það var svo á 54. mínútu sem Bergdís Fanney Einarsdóttir skoraði fallegt jöfnunarmark og opnaði leikinn til muna þar sem bæði lið voru til alls líkleg þegar hálftími var til leiksloka. Þrátt fyrir sterka byrjun hjá gestgjöfunum náðu Þróttarar ekki að skapa sér eins mörg færi í síðari hálfleik og duttu þar af leiðandi meira til baka á vellinum til að verjast sóknarlotum þeirra gulklæddu. ÍA sótti af krafti og það var einungis tímaspursmál hvenær boltinn myndi skila sér í netið. Það gerðist svo á 87. mínútu þegar Bergdís Fanney var aftur á ferðinni fyrir ÍA og skoraði öruggt mark og kom þannig sínu liði yfir. Ekki var nægur tími fyrir heimastúlkur að svara fyrir sig og úrslitin því 2-1 fyrir ÍA.

Með sigrinum halda Skagastelpur þriðja sætinu en hafa þó stytt bilið á milli sín og toppliðs Keflavíkur sem tapaði í umferðinni. Nú er ÍA með 28 stig einungis þremur stigum á eftir Keflavík sem trónir efst og tveimur stigum á eftir Fylki sem situr í öðru sæti og því hver leikur mikilvægur í baráttunni um sæti í Pepsideildinni.

Mikilvægur útisigur Skagakvenna