medium

large

thumbnail

1536x1536

2048x2048

small

custom-size

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

Katrín með forskot á aðra frambjóðendur samkvæmt nýjustu könnun

core/freeform

Skagamennirnir Valdís Þóra Jónsdóttir og Birgir Leifur Hafþórsson urðu á laugardag Evrópumeistarar í blandaðri liðakeppni í golfi. Skipuðu þau lið Íslands ásamt Ólafíu Þórunni Kristinsdóttur og Axel Bóassyni. Leikið var á Gleneagles í Skotlandi og mótið var hluti af meistaramóti Evrópu.

Valdís Þóra og Birgir Leifur léku saman og hið sama gerðu Axel og Ólafía Þórunn. Þau skiptust á að slá upphafshöggin á hverri braut en léku síðan einum bolta út holuna. Samanlagt skor beggja liða taldi í liðakeppninni. Samtals lék íslenska liðið á þremur höggum undir pari, einu höggi betur en lið Bretlands sem hafnaði í öðru sæti.

Valdís Þóra og Birgir Leifur hófu leik aðeins á undan liðsfélögum sínum. Gekk á ýmsu framan af hringnum hjá þeim, en frábær lokakafli kom Íslandi í vænlega stöðu. Valdís Þóra setti niður glæsilegt pútt fyrir fugli úr erfiðri stöðu á lokaholunni. Ólafía og Axel byrjuðu af miklum krafti, fengu fjóra fugla í röð á fyrstu níu holuum. Þau léku af öryggi á seinni níu og tryggðu Íslandi sigur með pari á lokaholunni.

&nbsp;

<strong>Silfur í parakeppni karla</strong>

Birgir Leifur og Axel léku síðan til úrslita í liðakeppni karla á sunnudag. Þar mættu þeir Spánverjunum Pedro Oriol og Scott Fernandez. Viðureignin var spennandi og úrslitin réðust ekki fyrr en á lokaholunni, en þá máttu Birgir Leifur og Axel sætta sig við naumt tap.

Valdís Þóra og Ólafía Þórunn gerðu jafntefli við Austurríki í lokaumferðinni í liðakeppni kvenna. Luku þær leik með tvö jafntefli og eitt tap í sínum riðli.

Evrópumeistarar í blandaðri liðakeppni