Á morgun, laugardag mun U20 kvennlandslið Íslands í körfu hefja leik á EM í B-deild en mótið er í Ordadea í Rúmeníu. U20 kvennaliðið er fyrsta yngra landsliðið af sex sem hefur keppni á þessu sumri á EM en í kjölfarið á næstu dögum og vikum fara á EM U20 karlar, U18 stúlkur og drengir og U16 stúlkur og drengir. Þjálfari liðsins og aðstoðarþjálfari eru Borgnesingarnir Finnur Jónsson og Hörður Unnsteinsson. Meðal liðsfélaga eru auk þess tveir Vestlendingar, þær Anna Soffía Lárusdóttir úr Snæfelli og Bríet Lilja Sigurðardóttir úr Skallagrími.

Íslensku stelpurnar spila í riðli með Tyrklandi, Hvíta-Rússlandi, Danmörk, Tékklandi og Búlgaríu. Í hinum riðli B-deildarinnar eru: Bretland, Grikkland, Ísrael, Rúmenía, Litháen og Úkraína.

Fyrsti leikurinn verður á morgun kl. 20:15 að íslenskum tíma þegar stelpurnar okkar mæta Búlgaríu.

Allir leikir A og B deilda EM yngri landsliða eru í beinni útsendingu á youtube rás FIBA og einnig er lifandi tölfræði frá öllum leikjum þannig að mjög auðveld er að fylgjast með leikjum ÍSLANDS á EM yngri liða. Einnig verða fréttir af hópnum á fésbókarsíðu KKÍ regulega og öðrum miðlum KKÍ.