medium

large

thumbnail

1536x1536

2048x2048

small

custom-size

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

Aukin hætta á fuglainflúensu með komu farfuglanna

Glæsilegir tónleikar í Borgarneskirkju

Akranesmótið í pílu um helgina

Vígreif í hefðbundnu karlastarfi

core/freeform

Fjölbrautaskóli Vesturlands á Akranesi er lýðræðislegasti framhaldsskóli landsins, samkvæmt niðurstöðum Skuggakosninganna sem fram fóru 12. apríl síðastliðinn. Skuggakosningarnar voru haldnar í tengslum við sveitarstjórnarkosningarnar í vor og eru hápunktur lýðræðisherferðiarinnar Ég kýs. Herferðin er samstarfsverkefni Sambands íslenskra sveitarfélaga og Landssambands ungmennafélaga.

Lagt er upp með að kosningarnar séu sem líkastar almennum kosningum, með kjörkössum, kjörseðlum og kjörskrá. Þá eru skólarnir hvattir til að standa fyrir lýðræðislegum viðburðum dagana fyrir kosningar.

Að þessu sinni var efnt til keppni um lýðræðislegasta framahaldsskólann. Voru það nemendur í Fjölbrautaskóla Vesturlands sem báru sigur úr býtum, þar sem kjörsókn var 74,92% í skuggakosningunum. Guðjón Snær Magnússon, formaður Nemendafélags Fjölbrautaskóla Vesturlands, þakkar það góðri skipulagningu nemenda með stuðningi kennara skólans. „Það var mikil stemning í skólanum og nemendahópurinn sem stóð að framkvæmdinni tók þetta alla leið,“ segir hann. „Við smíðuðum kjörklefa og gengum í stofur með gjallarhorn til að hvetja fólk til að kjósa. Einnig voru kennarar duglegir að hleypa nemendum úr tímum til að fara á kjörstað. Ég tel skuggakosningarnar afar mikilvægan lið í því að auka lýðræðisvitund ungs fólks og verkefnið ýta undir það að nemendur taki upplýsta ákvörðun sem aftur vonandi skilar þeim á kjörstað í almennum kosningum,“ segir Guðjón Snær.

FVA er lýðræðislegasti framhaldsskólinn