medium

thumbnail

small

custom-size

Gary Martin gengur til liðs við Víking Ólafsvík

large

1536x1536

2048x2048

Grásleppuveiðidögum fjölgað

Fjölmenningarþema í Heiðarskóla

Toska fríkar út á morgun

ÓH verktakar sjá um fiskmarkaðinn á Akranesi

Mokafli eftir hrygningarstopp

core/freeform

<strong>Heiðurstónleikar í Bíóhöllinni í kvöld</strong>

Það er ekki á hverjum degi sem menn fá tækifæri til að sitja sína eigin heiðurstónleika. Sú verður hins vegar raunin í kvöld þegar leikarinn góðkunni Hallgrímur Ólafsson mun ganga í sal Bíóhallarinnar á Akranesi á tónleika honum til heiðurs.

Hallgrímur er landsmönnum flestum kunnur sem víkingaklapparinn taktlausi Magnús Magnús Magnússon. Hann hefur starfað sem leikari síðastliðin 11 ár og tekið þátt í mörgum af vinsælustu uppfærslum síðari ára. Áður en að leiðin lá í leiklistina hafði Hallgrímur getið sér gott orð sem trúbador og tónlistarmaður.

Það sérstaka við þetta allt saman er að Hallgrímur sjálfur veit ekki af því að tónleikarnir eru um hann. Enda eru tónleikarnir liður í steggjun leikarans og slíkar athafnir ávallt sveipaðar mikilli dulúð. Ljóst er þó að hér hefur öllu verið tjaldað til og hvergi slegið af í metnaði og framsetningu.

Á tónleikunum verða rifjaðar upp lagaperlur eftir Hallgrím sem alltof sjaldan fá að heyrast. Einnig verða flutt lög úr þekktum söngleikjum á borð við Grease, Hárið, Rent ofl. ásamt leikhúsperlum sem Hallgrímur hefur flutt á ferlinum.

Lofað er mikilli söngskemmtun, enn meira gríni og aldrei að vita nema að víkingaklapp Magnúsar Magnúsar Magnússonar komi við sögu.

Tónleikarnir hefjast kl. 18:00 í kvöld, miðvikudaginn 13. júní í Bíóhöllinni á Akranesi. Aðgangseyrir er ókeypis.

Fram koma ásamt hljómsveit: Stefán Hilmarsson, Eyþór Ingi, Gói, Jóhannes Haukur, Rúnar Freyr, Atli Þór og leynigestur. Kynnir er Ólafur Páll Gunnarsson. Hljómsveitina skipa Birgir Þórisson á hljómboroð, Jón Borgar Loftsson á trommur og Sigurþór Þorgilsson á bassa.

-fréttatilkynning

Raf-Magnaður Halli Melló