medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Víkingur Ó. tryggði sér sæti í átta liða úrslitum Maltbikars karla með 0-1 útisigri á Fram í gærkvöldi.

Heimamenn byrjuðu af krafti en Víkingur Ó. var engu að síður sterkara liðið í fyrri hálfleik. Það kom því ekki mikið á óvart þegar þeir komust yfir á 36. mínútu. Ívar Reynir Antonsson fékk boltann hægra megin í teignum og fékk góðan tíma til að athafna sig. Hann þurfti ekki að hafa mikið fyrir því að finna Vigni Snæ Stefánsson sem var aleinn á markteignum og lagði boltann snyrtilega í netið. Laglegt mark hjá Víkingi Ó. en varnarmenn Fram hefðu líklega átt að gera betur.
Framarar voru ákveðnari framan af síðari hálfleik án þess þó að skapa sér nein alvöru marktækifæri. Dró síðan til tíðinda á 65. mínútu. Guðmundur Magnússon, sóknarmaður Fram, var rekinn af velli og Framarar því manni færri. Ólafsvíkingar sluppu einir í gegn skömmu síðar en náðu ekki að nýta færið. Heimamenn sóttu í sig veðrið og sóttu mun meira það sem eftir lifði leiks, manni færri, en náðu ekki að gera sér mat úr því. Jafnt varð í liðunum í uppbótartíma þegar Vignir Snær fékk sitt annað gula spjald og þar með rautt fyrir að stöðva skyndisókn heimamanna. Fleiri mörk voru ekki skoruð og Víkingur Ó. verður því í pottinum þegar dregið verður í átta liða úrslitum bikarsins.

Víkingur Ó. áfram í bikarnum