Efnilegar knattspyrnukonur semja við ÍA
Síðastliðinn föstudag skrifuðu fjórar ungar og efnilegar knattspyrnukonur undir samning við knattspyrnufélag ÍA. Þetta eru þær María Björk Ómarsdóttir, Sigrún Eva Sigurðardóttir, Erla Karitas Jóhannesdóttir og Róberta Lilja Ísólfsdóttir. Þær eru fæddar árin 2001 og 2002 og hafa allar spilað mikilvægt hlutverk í hópi meistaraflokks á undirbúningstímabilinu í vetur. Auk þess komu þær Sigrún og Erla Karitas við sögu í allnokkrum leikjum með liði ÍA í 1. deild kvenna síðastliðið sumar. Allar skrifuðu knattspyrnukonurnar ungu undir tveggja ára samning við félagið.
