medium

large

thumbnail

1536x1536

2048x2048

small

custom-size

Ólsarar áfram í Mjólkurbikarnum

Stuð í Brekkó í morgunsárið

Skipulagsbreytingar hjá Arion banka

Stóri plokkdagurinn verður sunnudaginn 28. apríl

Skíðasvæði Snæfellsness blæs í herlúðra

Lokakeppni Vesturlandsdeildar 2024

core/freeform

„Landsmótið er nýjung fyrir alla sem hafa gaman af því að hreyfa sig. Ég sé fyrir mér að þarna geti vinahópar komið saman og skemmt sér í íþróttum, gamlir skóla- eða íþróttafélagar fá tækifæri til að rifja upp taktana í brennibolta, skokkhópar geta sprett úr spori og prófað nýjar greinar.  Þarna verður einnig hefðbundin keppni í fjölda greina og um að gera að kynna sér hvað er í boði,“ segir Auður Inga Þorsteinsdóttir, framkvæmdastjóri Ungmennafélags Íslands. Nú hefur verið opnað fyrir skráningu á Landsmótið sem verður dagana 12. – 15. júlí í sumar á Sauðárkróki.

Landsmótið verður sannkölluð íþróttaveisla. „Á mótinu er hægt að velja fleiri en 30 íþróttagreinar á daginn auk fróðleiks og fræðslu og skemmtunar á kvöldin. Dagskránni er skipt niður í fjóra flokka; kepptu, láttu vaða, leiktu þér og skemmtu þér. Flokkurinn Láttu vaða er ein af nýju áherslunum en þar geta þátttakendur Landsmótsins fengið tækifæri til að prófa fjölda íþróttagreina eða fá kennslu og kynningu í þeim.  Mótsgestir geta valið hverju þeir taka þátt í og sett mótið sitt saman. Eitt verð gildir fyrir allt mótið, hvort heldur tekið er þátt í einni grein eða mörgum. Flestir viðburðirnir sem boðið er upp á í tengslum við Landsmótið eru fríir og fá þátttakendur afslátt á ýmsa aðra viðburði.“

Allir 18 ára og eldri geta skráð sig til þátttöku á Landsmótið, en að auki verður margt í boði fyrir mótsgesti yngri en 18 ára. Hægt er að skrá sig á Landsmótið og fylgjast með því á www.landsmotid.is. og á viðburðasíðu á Facebook.

Skráning hafin á Landsmótið í sumar