medium

large

thumbnail

small

custom-size

Gul viðvörun fyrir norðan- og austanvert landið á páskadag

1536x1536

2048x2048

Hægt að bjóða í málverk til stuðnings átaksverkefni – er til sýnis í dag

Notendavænni og sjálfvirkari þjónusta við íbúa

Stefna á að nýtt ráðhús verði byggt við Mánabraut

Einungis yngsta stigi grunnskóla verður kennt á Varmalandi

Baráttan eykst um bílastæðin í höfuðborginni

core/freeform

Fyrsti leikur nýja ársins í 1. deild karla í körfuknattleik fór fram í Borgarnesi í gærkvöldi. Þar tóku heimamenn í Skallagrími á móti Gnúpverjum og sigruðu, 101-80.

Skallagrímsmenn höfðu heldur yfirhöndina í upphafi leiksins og leiddu með þremur stigum um miðjan fyrsta leikhluta, 16-13. Þá náðu Gnúpverjar smá rispu og komust tveimur stigum yfir, 18-20 áður en Skallagrímur jafnaði. Staðan var 26-26 að loknum upphafsfjórðungnum. Heimamenn mættu ákveðnir til annars leikhluta og létu finna fyrir sér. Þeir bættu stigum á töfluna jafnt og þétt og gestirnir náðu ekki að halda í við þá. Fyrir vikið hafði Skallagrímur þægilega forystu þegar flautað var til hálfleiks, 54-42.

Síðari hálfleikur fór hægt af stað og þegar þriðji leikhluti var hálfnaður hafði Skallagrímur að eins skorað sex stig gegn fimm stigum Gnúpverja. Gestirnir voru heillum horfnir í þriðja og skoruðu aðeins tólf stig allan leikhlutann. Heimamenn náðu aftur á móti tveimur góðum rispum áður en leikhlutinn var úti, juku forskot sitt fyrst í 21 stig og síðan í 32 stig fyrir lokafjórðunginn, 76-54. Gestirnir kroppuðu nokkur stig af forystu Skallagríms það sem eftir lifði en sigur heimamanna var aldrei í hættu. Fór svo að lokum að Skallagrímur sigraði með 21 stigi, 101-80.

Eyjólfur Ásberg Halldórsson átti stórleik og setti upp myndarlega þrennu í liði Skallagríms. Hann skoraði 18 stig, reif niður 20 fráköst og gaf ellefu stoðsendingar. Aaron Parks var hins vegar stigahæstur með 20 stig, Kristófer Gíslason var með 19 stig og sex fráköst og Bjarni Guðmann Jónsson var með ellefu stig.

Skallagrímur trónir á toppi deildarinnar með 22 stig eftir 13 spilaða leiki, tveimur stigum á undan Breiðabliki í sætinu fyrir neðan. Næst leikur Skallagrímur mánudaginn 15. janúar næstkomandi, þegar liðið mætir Snæfelli í Vesturlandsslag í Stykkishólmi.

Skallagrímur sigraði í fyrsta leik ársins