medium

large

thumbnail

1536x1536

2048x2048

small

custom-size

Uppbygging á aðstöðu til jarðræktarrannsókna að hefjast á Hvanneyri

Kári úr leik í Lengjubikarnum eftir tap gegn Þrótti Vogum

Kæra til lögreglu alvarlega vanrækslu á nautgripum

Hvítnar í fjöll í kvöld og færð gæti þar spillst

Var með kannabis í fórum sínum

Tónlistarfólk í Stykkishólmi fagnar í vor

core/freeform

Skallagrímur og ÍA mættust í Vesturlandsslag í 1. deild karla í körfuknattleik á fimmtudagskvöld. Leikið var í íþróttahúsinu í Borgarnesi. Eftir nokkuð jafnan fyrri hálfleik tóku heimamenn öll völd á vellinum í þeim síðari og sigruðu örugglega, 127-96.

Jafnræði var með liðunum í upphafi leiks en Skallagrímur hafði þó heldur undirtökin. Eftir því sem leið á fyrsta leikhluta sigu Skallagrímsmenn fram úr. Þeir leiddu með níu stigum seint í fjórðungnum en þá tóku Skagamenn góða rispu og minnkuðu muninn í tvö stig fyrir annan fjórðung, 31-29. Skallagrímur leiddi áfram en Skagamenn fylgdu þeim eins og skugginn næstu mínúturnar. Þegar heimamenn virtust ætla að slíta sig frá nágrönnum sínum var þeim tilburðum svarað snarlega. Eftir að hafa leitt með átta stigum skömmu fyrir hálfliek minnkuðu Skagamenn muninn í tvö stig skömmu fyrir hálfleik, 51-49 og aðeins munaði þremur stigum í hléinu. Skallagrímur leiddi, 58-55.

Það var síðan í þriðja leikhluta að Skallagrímsmenn tóku öll völd á vellinum. Þeir mættu mun ákveðnari til síðari hálfleiks, settu síðan í fluggírinn um miðjan þriðja leikhluta og höfðu 23 stiga forskot að honum loknum, 96-73. Þessi leikkafli réði úrslitum og Skagamenn náðu aldrei að svara fyrir sig. Heimamenn héldu öruggu forskoti allt til leiksloka og sigruðu að lokum örugglega, 127-96.

Aaron Parks skoraði 27 stig fyrir Skallagrím, tók níu fráköst, gaf sjö stoðsendingar og stal boltanum sjö sinnum. Eyjólfur Ásberg Halldórsson skoraði 25 stig, tók átta fráköst og gaf sjö stoðsendingar. Darrel Flake var með 15 stig og fimm fráköst, Bjarni Guðmann Jónsson 15 stig einnig, Kristófer Gíslason 13 stig og sex fráköst og Arnar Smári Bjarnason 13 stig.

Marcus Dewberry dró vagninn í liði Skagamanna og fór mikinn. Hann lauk leik með hvorki fleiri né færri en 44 stig, tíu fráköst og sjö stoðsendingar. Aldursforsetinn Jón Frímannsson skoraði 20 stig og Jóhannes Valur Hafsteinsson ellefu en aðrir höfðu minna.

Liðin verja jólafríinu á sitthvorum enda deildarinnar. Skallagrímur trónir á toppnum með 20 stig, jafn mörg og Breiðablik í sætinu fyrir neðan en á leik til góða á nýja árinu. Skagamenn eru aftur á móti stigalausir á botni deildarinnar, tveimur stigum frá næsta liði en eiga tvo leiki til góða.

Skallagrímur leikur næst fimmtudaginn 4. janúar þegar liðið mætir Gnúpverjum í Borgarnesi. Skagamenn leika sunnudaginn 7. janúar þegar þeir mæta Snæfelli í Vesturlandsslag á Akranesi.

Skallagrímur á toppnum um jólin