medium

large

thumbnail

1536x1536

2048x2048

small

custom-size

Ekkert liggur enn fyrir um ráðstöfun fjárveitinga til vegabóta

Aflasæll öldungur heldur brátt í sína hinstu för

Jakob Svavar og Kristín Eir efst í forkeppni fyrsta dags

Tjaldfylli á fyrstu tónleikum Írskra daga

Yfir tvö tonn af ufsa auk dagsskammts af þorski

Leirbakaríið opnað á nýjum stað á Akranesi

core/freeform

Körfuknattleikskonan Sigrún Sjöfn Ámundadóttir, leikmaður Skallagríms og íslenska landsliðsins, meiddist illa í viðureign Skallagríms og Vals í Domino‘s deild kvenna í gærkvöldi. Sigrún fór úr axlarlið og þurfti að koma henni undir læknishendur á Heilbrigðisstofnun Vesturlands á Akranesi, þar sem hún fór í myndatöku áður en handleggnum var nuddað aftur í liðinn.

Að sögn Ragnheiðar Guðmundsdóttur, móður hennar, er Sigrún mjög verkjuð í öxlinni en hefur það þokkalegt að öðru leyti. Hún segir að búast megi við að Sigrún verði frá keppni að minnsta kosti fram yfir áramót. Hvenær á nýja árinu hún geti hafið körfuknattleiksiðkun aftur að nýju verði hins vegar að koma í ljós, en það verði að sjálfsögðu ákveðið í samráði við lækni. „En hún er með ólíkindum hörkutól og ég hugsa að það verði frekar að halda aftur af henni en hitt,“ segir Ragnheiður.

Sigrún fór úr axlarlið