medium

large

thumbnail

1536x1536

small

custom-size

Norðurland eystra sigurvegari kjördæmamóts í bridds

Skerðingum raforku til flestra stórnotenda hefur verið hætt

Séra Guðrún Karls kjörin biskup Íslands

Garðyrkjuspjall í Safnahúsi – Fræ- og plöntuskiptavika hafin

2048x2048

Alvarlegt vinnuslys í Grundarfirði

Umferðin eykst en ekki jafn hratt og áður

core/freeform

Viðureign Skallagríms og Keflavíkur í undanúrslitum kvenna í körfuknattleik virðist aðeins ætla að verða meira spennandi. Liðin mættust fjórða sinni í Borgarnesi í gær. Keflavík leiddi með tveimur sigrum gegn einum og því að duga eða drepast fyrir Skallagrímskonur. Þær þurftu á sigri að halda, ellegar væri liðið farið í sumarfrí. Og þær sýndu heldur betur úr hverju þær eru gerðar í leiknum í gær, fyrir framan troðfulla áhorfendapallana. Eftir spennandi lokafjórðung tókst þeim að sækja góðan sigur og knýja fram oddaleik um sæti í úrslitaviðureigninni um Íslandsmeistarabikarinn.

&nbsp;

Gangur leiksins

Keflvíkingar skoruðu fyrstu stig leiksins en framan af upphafsfjórðungnum mátti vart á milli sjá hvort liðið var sterkara. Skallagrímskonur náðu síðan heldur yfirhöndinni þegar leið á fyrsta leikhluta og leiddu að honum loknum, 20-14. Keflavíkurliðið kom ákveðið til annars fjórðungs en hafði ekki erindi sem erfiði. Skallagrímskonur höfðu áfram yfirhöndina og styrktu forskot sitt allt til hálfleiks. Þær leiddu með ellefu stigum í hléinu, 38-27.

Aukin spenna fór að færast í leikinn eftir því sem leið á. Keflvíkingar áttu ívið betri þriðja leikhluta en Borgnesningar. Skallagrímskonur gáfu hins vegar aldrei færi á sér, stóðu sína plikt í vörninni og leiddu með sjö stigum fyrir lokafjórðunginn, 50-43. Fjórði og síðasti leikhlutinn var æsispennandi. Snemma hans minnkuðu Keflvíkingar muninn í þrjú stig, 50-47, áður en Skallagrímur jók forskot sitt að nýju. Aftur gerðu gestirnir smá áhlaup og minnkuðu muninn í fimm stig og aðeins nokkrum stigum munaði á liðunum næstu mínútur. Skallagrímur hafði þó alltaf yfirhöndina og þannig var það til leiksloka. Gestirnir minnkuðu í fjögur stig þegar mínúta lifði leiks en komust ekki nær. Skallagrímskonur kláruðu leikinn örugglega af vítalínunni á lokamínútu leiksins og höfðu góðan sigur, 77-68.

&nbsp;

Stórleikur Tavelyn

Tavelyn Tillman átti stórleik fyrir Skallagrím með 36 stig. Sigrún Sjöfn Ámundadóttir var með 10 stig og 10 fráköst, Fanney Lind Thomas með 10 stig og 5 fráköst og Jóhanna Björk Sveinsdóttir skoraði 10 stig og gaf 5 stoðsendingar.

Ariana Moorer var atkvæðamest gestanna með 19 stig, 12 fráköst og 6 stoðsendingar og Thelma Dís Ágústsdóttir var með 16 stig og 8 fráköst.

&nbsp;

Oddaleikur á skírdag

Tavelyn reyndist sannspá þegar hún fullyrti eftir fyrsta leik liðanna í Keflavík, sem Skallagrímur sigraði, að fimm leiki myndi þurfa til að knýja fram úrslit í undanúrslitaviðureigninni. Oddaleikur liðanna fer fram í Keflavík á skírdag, fimmtudaginn 13. apríl næstkomandi. Sigurvegari þess leiks og mætir Snæfelli í úrslitaviðureigninni um Íslandsmeistaratitilinn.

Knúðu fram oddaleik