medium

large

thumbnail

1536x1536

2048x2048

small

custom-size

Stefna á að nýtt ráðhús verði byggt við Mánabraut

Einungis yngsta stigi grunnskóla verður kennt á Varmalandi

Baráttan eykst um bílastæðin í höfuðborginni

Fyrsta landsáætlun í málefnum fatlaðs fólks samþykkt á Alþingi

Bjarki tekur þátt í Next Golf Tour mótaröð

Unnið að stofnun viðbragðssveitar þegar válegir atburðir verða

core/freeform

Snæfell tók á móti  Keflavík í Domino’s deild kvenna í körfuknattleik í gær.  Leikurinn var mikill baráttuleikur en að lokum fór svo að Snæfell hafði fjögurra stiga sigur, 72-68.

Nokkuð jafnræði var með liðunum framan af fyrsta leikhluta en þegar hann var rétt rúmlega hálfnaður tóku Snæfellskonur góðan sprett og skoruðu tíu stig í röð. Skynsemi einkenndi sóknarleik þeirra og varnarleikurinn var góður. Fyrir vikið leiddi Snæfell afgerandi eftir upphafsfjórðunginn, 22-8. Keflvíkingar fundu aðeins betur taktinn í öðrum leikhluta en Snæfell stjórnaði áfram gangi leiksins og leiddi með 15 stigum í hálfleik, 45-30.

Það var síðan í þriðja leikhluta að taflið snerist algerlega við. Keflavíkurkonur komu gríðarlega ákveðnar til leiks eftir hléið og héldu Snæfellskonum stigalausum hálfan leikhlutann. Mikil vinnsla var í liðinu og smám saman minnkuðu þær forskot Íslandsmeistaranna. Keflavík skoraði 19 stig í leikhlutanum gegn aðeins fjórum stigum Snæfells og aðeins munaði fimm stigum á liðunum fyrir lokafjórðunginn. Sá reyndist verða jafn bæði og spennandi. Snæfell hafði heldur yfirhöndina í lokafjórðungnum en gestirnir voru aldrei langt undan. Tvisvar vantaði Keflvíkinga aðeins tvö stig í að jafna leika en það tókst þeim þó aldrei. Snæfell hélt velli og skipti leikreynsla liðsins þar miklu. Þær fóru aldrei á taugum þó blásið hafi byrlega á móti í þriðja leikhluta og leikar stæðu tæpt allan lokafjórðunginn. Þær héldu einfaldlega velli og höfðu að lokum sigur, 82-78.

Aaryn Ellenberg lék í gær sinn fyrsta leik fyrir Snæfell eftir að hún gekk til liðs við félagið í síðustu viku. Hún byrjaði með látum, skoraði 25 stig, tók fimm fráköst og gaf fimm stoðsendingar. Ekki amalegt í fyrsta leik. Næst henni kom Berglind Gunnarsdóttir sem skoraði 17 stig og tók átta fráköst.

Snæfell situr í þriðja sæti deildarinnar með tíu stig eftir sjö leiki, jafn mörg og Skallagrímur og Keflavík í sætunum fyrir ofan. Næsti deildarleikur Snæfells er Vesturlandsslagur gegn Skallagrími í Stykkishólmi miðvikudaginn 9. nóvember næstkomandi.

Í millitíðinni leikur liðið hins vegar í bikarkeppni KKÍ, Maltbikarnum. Þar tekur liðið á móti Val næstkomandi sunnudag, 6. nóvember.

Snæfell sigraði Keflavík í kaflaskiptum baráttuleik