medium

thumbnail

small

custom-size

Dulúðin dró Eyþór að gömlum bókum

large

1536x1536

2048x2048

Jafntefli hjá HK og ÍA í Lengjubikarnum

Ferðamannasumar fram undan

Snæfell tapaði í Síkinu

Viðbragðsaðilar úr Borgarbyggð stilltu saman strengi

Ný flokkunareining við Miðgarð

core/freeform

Á föstudag mættust ÍA og Ármann í botnslag 1. deildar karla í körfuknattleik. Fyrir leikinn var hvorugt lið komið á blað í deildinni. Skagamenn höfðu tapað fyrstu fjórum leikjunum í vetur en Ármenningar fyrstu fimm leikjum sínum. Fór að lokum svo að Skagamenn sigruðu 65-88 og nældu sér í fyrstu stig tímabilsins.

Jafnt var á með liðunum á fyrstu mínútum leiksins áður en Skagamenn náðu yfirhöndinni um miðjan upphafsfjórðunginn. Þeir náðu níu stiga forystu en á síðustu 90 sekúndum leikhlutans svöruðu heimamenn heldur betur fyrir sig og minnkuðu muninn í eitt stig, 19-20. Leikmenn ÍA létu það hins vegar ekki slá sig út af laginu. Þeir léku vel í öðrum fjórðungi og stjórnuðu gangi leiksins. Forskot Skagamanna óx jafnt og þétt allan leikhlutann og leiddu þeir afgerandi þegar flautað var til hálfleiks, 30-48.

Síðari hálfleikur fór fremur rólega af stað. Skagamenn fundu ekki almennilega taktinn í sókninni en að sama skapi gerðu Ármenningar engar rósir. Þeir náðu aðeins að kroppa í forskot Skagamanna og fyrir lokafjórðunginn munaði ellefu stigum á liðunum. Þar voru hins vegar Skagamenn sterkari og með góðum kafla um miðjan leikhlutann gerðu þeir endanlega út um allar vonir heimamanna að fá eitthvaðfyrir sinn snúð. Skagamenn einfaldlega sigldu sigrinum heim í lokafjórðungnum og unnu með 23 stigum, 65-88.

Derek Shouse átti sannkallaðan stórleik fyrir ÍA, skoraði 40 stig, tók 13 fráköst og gaf fimm stoðsendingar. Jón Orri Kristjánsson kom honum næstur með 13 stig og 14 fráköst og þá skoraði Sindri Leví Ingason ellefu stig.

Sem fyrr segir var þetta fyrsti sigur Skagamanna í deildinni í vetur. Þeir hafa því tvö stig eftir fimm leiki og sitja í 8. og næstneðsta sæti deildarinnar. Skagamenn eru með jafnmörg stig og Vestri í sætinu fyrir ofan en eiga leik til góða. Næst leikur ÍA fimmtudaginn 3. nóvember, þegar liðið fær Val í heimsókn á Akranes.

Skagamenn komnir á blað í 1. deildinni