medium

thumbnail

small

custom-size

Styrktartónleikar í Borgarneskirkju

large

1536x1536

2048x2048

Hoppað á og hoppað út á Snæfellsnesi

Byggðasafnið í Görðum lokað næstu tvær helgar

Uppskeruhátíð tónlistarskóla í Tónbergi

Dulúðin dró Eyþór að gömlum bókum

Jafntefli hjá HK og ÍA í Lengjubikarnum

core/freeform

Grundfirðingar hófu leik í 3. deild karla í körfuknattleik sunnudaginn 2. október síðastliðinn þegar þeir heimsóttu lið Álftnesinga en töpuðu með níu stiga mun, 87-78 . „Fyrsti heimaleikurinn er síðan á morgun, laugardaginn, 8. október, á móti Kormáki frá Hvammstanga sem er skemmtilegt og vel skipulagt lið,“ segir Aðalsteinn Jósepsson, spilandi framkvæmdastjóri liðsins í samtali við Skessuhorn.

Að sögn Aðalsteins hefur liðsskipan Grundfirðinga breyst nokkuð frá síðasta vetri. Framherjinn Sveinn Arnar Davíðsson er til að mynda genginn til liðs við Snæfell sem og hinn efnilegi miðherji Rúnar Þór Ragnarsson. Þar að auki hafa leikmenn sem á síðasta vetri léku með Grundfirðingum á venslasamningi frá Snæfelli verið kallaðir til baka. „En það kemur maður í manns stað. Liðið er skipað mönnum af Snæfellsnesi á öllum aldri, en mest þó Grundfirðingum,“ segir Aðalsteinn og kveðst bjartur á komandi vetur. „Við ætlum okkur að ná heimaleik í úrslitakeppninni og reyna að gera betur þar en í fyrra,“ segir Aðalsteinn.

Fyrsti heimaleikur Grundfirðinga í körfunni á morgun