Sumarmót SamVest var haldið á Bíldudalsvelli

Árlegt sumarmót SamVest í frjálsum íþróttum var haldið á Völuvelli á Bíldudal laugardaginn 13. ágúst sl. Það var Héraðssambandið Hrafna-Flóki sem bauð til mótsins á Völuvelli á Bíldudal. Aðstæður á vellinum voru prýðilegar; atrennubraut langstökks og svæði fyrir hástökk og spjót eru lögð tartanefni og hlaupabrautin var mjög hörð og góð og merkt af HHF fyrir mótið. Við völlinn er glænýtt vallarhús með salernum, en gamla húsið fauk í óveðri síðasta vetur. Þess má geta að árið 2000 var Unglingalandsmót UMFÍ haldið á Bíldudal en það var í fyrsta sinn sem ULM var haldið um verslunarmannahelgi.

Vesturbyggð bauð gestum gistingu á tjaldsvæðum sínum án endurgjalds. Þátttakendur voru flestir frá HHF, á aldrinum 6 til 18 ára en fimm fullorðnir voru meðal keppenda. „Allt gekk vel fyrir sig og allar greinar vel mannaðar starfsfólki HHF, auk nokkurra hjálparkokka frá öðrum samböndum. Grillaðar voru pylsur í mótslok og í lokin tilkynnt um úrslit.

Líkar þetta

Fleiri fréttir

Með sjaldgæfan blóðtappa

Skagamaðurinn Oliver Stefánsson, sonur Stefáns Þórs Þórðarsonar og Magneu Guðlaugsdóttur, og varnarmaður sænska úrvalsdeildarfélagsins Norrköping, verður frá næsta hálfa árið... Lesa meira