Svipmynd af Unglingalandsmóti UMFÍ í Borgarnesi í lok júlí.

Hægt að sækja um styrki úr Fræðslu- og verkefnasjóði UMFÍ

Opnað hefur verið fyrir umsóknir um styrki í Fræðslu- og verkefnasjóð Ungmennafélags Íslands (UMFÍ) og er frestur til að skila inn umsóknum til 1. október næstkomandi. „Fræðslu- og verkefnasjóður Ungmennafélags Íslands (UMFÍ) veitir meðal annars styrki til félags- og íþróttastarfs ungmennafélagshreyfingarinnar með því að auka menntun og þekkingu félaga innan hreyfingarinnar á íþróttagreinum, þjálfun, í félagsmálum og félagsstarfi. Úthlutað er úr sjóðnum tvisvar á ári. Rétt á úthlutun eiga allir félagar í ungmennafélögum sem eru virkir í starfi og hafa uppáskrift félags síns eða sambands til að afla sér aukinnar þekkingar á sínu sérsviði sem gæti nýst viðkomandi félagi, sambandi og ungmennafélagshreyfingunni í heild. Einnig eiga stjórn og nefndir UMFÍ, héraðssambönd, ungmennafélög og deildir innan þeirra rétt á að sækja um styrk úr sjóðnum,“ segir í tilkynningu.

Sjóðsstjórn er heimilt að veita að eigin frumkvæði til verkefna sem ekki teljast til árlega verkefna hreyfingarinnar. Síðast var úthlutað úr sjóðnum í apríl 2016. Þá fengu 46 umsóknir úthlutað rúmum 4,5 milljónum króna.

Umsóknum skal skilað rafrænt á þar til gerðum umsóknareyðublöðum sem finna má á heimasíðu UMFÍ (www.umfi.is) undir liðnum „Sjóðir.“

Líkar þetta

Fleiri fréttir