medium

large

thumbnail

1536x1536

2048x2048

small

custom-size

Íbúðir á Sementsreit vel á veg komnar

Landaður afli einungis 60 þúsund tonn í mars

Halda Sambandsþing Norræna félagsins á Akranesi næstkomandi laugardag

Lánveitingar Byggðastofnunar halda áfram að skapa störf

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

core/freeform

Hulda Birna Baldursdóttir hefur verið ráðin framkvæmdastjóri Knattspyrnufélags ÍA. Tekur hún við starfinu þriðjudaginn 1. nóvember næstkomandi af fráfarandi framkvæmdastjóra Haraldi Ingólfssyni. Þangað til mun hún taka þátt í einstökum verkefnum félagsins og kynna sér starfið. „Það er mjög spennandi að ganga til liðs við KFÍA á þessum tímapunkti. Ég þekki vel til félagsins, lék með yngri flokkum félagsins og meistaraflokki í nokkur ár,“ segir Hulda Birna á heimasíðu KFÍA, en hún lék einnig BÍ og Stjörnunni á sínum knattspyrnuferli. „Markmiðið er að koma KFÍA í fremstu röð og keppa um titla á komandi árum. Það verður gert með því að því að byggja á öflugu uppeldis- og afreksstarfi og vera með þjálfara í fremstu röð. Ég tek nýjum áskorunum fagnandi og hlakka til að starfa með öflugum hópi stjórnar, starfsmanna, iðkenda og þjálfara KFÍA,“ segir Hulda Birna.

Hulda Birna er viðskiptafræðingur frá Háskóla Íslands og með meistarapróf í stjórnun frá Háskólanum á Bifröst. Hún starfaði áður sem markaðsstjóri Tækniskólans og framkvæmdastjóri Stelpugolfs PGA á Íslandi. Hún situr í stjórn PGA og hefur verið formaður barna- og unglingaráðs í Fylki undanfarin þrjú ár.

Hulda Birna Baldursdóttir er nýr framkvæmdastjóri KFÍA