medium

large

thumbnail

1536x1536

2048x2048

small

custom-size

Öllum tilboðum hafnað í hafnarframkvæmdir í Ólafsvík

„Fjórðungsmótið verður frábært“

Byggingarframkvæmdir að hefjast á Kirkjubraut 39

Spilar á Hang hljóðfæri í Hallgrímskirkju

Víðsýni er verðmæt náttúruauðlind

Umferðareftirlit og lausaganga meðal verkefna lögreglu

core/freeform

Á Ólafsvíkurvelli fór í gær fram leikur Víkings og ÍBV í fjórtándu umferð Pepsi deildar karla í knattspyrnu. Bæði lið hafa verið í basli í deildinni að undanförnu en bæði byrjuðu þau mótið vel. Leikurinn endaði með 1-0 sigri ÍBV. Fyrsta mark og eina mark leiksins kom eftir fimm mínútna leik. Derby Carrillo, markmaður ÍBV, tók útspark eftir að Tokic hafi skallað framhjá marki ÍBV. Derby sendi langan bolta fram úr útsparkinu sem endaði með því að Gunnar Heiðar Þorvaldsson komst einn inn fyrir vörn Víkings og vippaði boltanum laglega yfir Cristian Martinez í marki Ólafsvíkur. Eyjamenn hafa saknað Gunnars í sumar en þessi öflugi framherji hefur verið meiddur í langan tíma; hann spilaði sinn fyrsta leik í byrjunarliði í sumar í gær.

Eyjamenn voru mikið betri aðilinn í fyrri hálfleik og fengu færi til þess að bæta við forystuna en þeim tókst það ekki og staðan því 1-0 þegar haldið var til búningsklefa í hálfleik.

Leikurinn var bragðdaufur í síðari hálfleik en ÍBV var betri aðilinn framan af. Víkingur vaknaði þó til lífsins þegar leið á hálfleikinn en fleiri mörk voru ekki skoruð.

Víkingur situr nú í áttunda sæti deildarinnar með átján stig, stigi á undan ÍBV sem er í níunda sæti. Næsti leikur Víkings er gegn Skagamönnum á Akranesvelli mánudaginn 15. ágúst. Búast má við fjölmenni á vellinum, enda Vesturlandsslagur skemmtileg augnablik í boltanum.

Víkingur Ólafsvík tapaði fyrir ÍBV