Húlladúlla á Akratorgi á laugardag

„Húlladúllan verður á Akratorgi á Akranesi með heila hrúgu af húllahringjum á milli klukkan tvö og fjögur á laugardaginn (11. júní). Hún verður með litla krakkahringi, hringi fyrir fullorðna og nokkra risahringi fyrir sérstaklega hávaxna byrjendur. Húllafjörið og kennslan er ókeypis en þáttakendur eru hvattir til að leggja nokkra aura í söfnunarkrukkuna svo Húlladúllan geti sett bensín á bílinn, borgað í göngin og komið aftur með ennþá fleiri hringi seinna í sumar! Húlladúllan gerir frábæra húllahringi og þeir sem vilja eignast góðan hring geta pantað hjá henni hring á laugardaginn í litum að eigin vali. Það geta allir lært að húlla og það er ótrúlega gaman! Komið og prófið og hefjum helgina saman á húllasveiflu.“

Líkar þetta

Fleiri fréttir