Maren Leósdóttir og félagar hennar í ÍA mæta Haukum í 16 liða úrslitum Borgunarbikarsins. Ljósm. Guðmundur Bjarki.

Skagakonur mæta Haukum í bikarnum

Dregið var í 16 liða úrslit Borgunarbikars kvenna í knattspyrnu í gær. Leikdagar verða helgina 11.-12. júní. Þegar dregið er í 16 liða úrslit bikarsins er úrvalsdeildarliðum bætt í pottinn. Þá kom í ljós að ÍA mætir Haukum á Ásvöllum í Hafnarfirði og fer leikurinn fram sunnudaginn 12. júní.

Aðrar viðureignir verða eftirfarandi: Bikarmeistarar Stjörnunnar heimsækja FH, Keflavík tekur á móti Breiðabliki, Selfoss mætir Val, Þór/KA tekur á móti Grindavík, KR heimsækir ÍBV, Fylkir mætir Fjarðabyggð/ Hetti/ Leikni og HK/Víkingur tekur á móti Þrótti R.

Líkar þetta

Fleiri fréttir