Nafn: Íris Inga Grönfeldt

Hvar ertu fædd og hvenær? Fæddist 8. febrúar 1963 á Sjúkrahúsinu á Akranesi.

Hvernig myndir þú lýsa þér í þremur orðum? Jákvæð, metnaðarfull og skipulögð.

Áttu gæludýr? Ég á yndislega Border collie tík sem heitir Gríma.

Hvers saknarðu mest frá því í gamla daga? Að spila fótbolta öll kvöld með bræðrunum Garðari og Gunna Jóns og fleirum á gamla malarvellinum í Borgarnesi þar sem Menntaskólinn er núna.

Hvað færðu þér ofan á pizzuna þína? Pepperoni og jalapeno.

Hvað er uppáhalds nammið þitt? Hlaup bangsar.

Hvaða tungumál værir þú til í að kunna? Ég sé alltaf eftir að hafa ekki nennt að læra dönsku almennilega. En það hefði verið gott að kunna eitthvað í úkraínsku síðustu tvö ár.

Hvað er það skemmtilegasta sem þú gerir? Að ganga út með Hreðavatni á góðviðrisdegi.

Ertu hjátrúarfull? Reyni að vera það ekki, en átti það til á íþróttaferlinum. Ef mig dreymdi að spjótkastsbrautin væri eins og leir og maður komst ekkert áfram, var ég alltaf viss um að mér gengi vel.

Hvað myndi bíómynd um þig heita? 6202

Hver er uppáhalds mánuðurinn? Júní.

Hvað ertu mest hrædd við? Að villast í neðanjarðarlestakerfi stórborga eins og t.d. London. Lestir eru ekki alveg minn tebolli.

Hver er uppáhalds skyndibitinn? McDonald´s Chicken McNuggets.

Hver er uppáhalds staðurinn þinn á Íslandi? Hreðavatn.

Hver er minnisstæðasta gjöfin sem þú fékkst þegar þú varst lítil? Skíði sem ég fékk í jólagjöf frá mömmu og pabba og þurfti að leita að þeim á lagernum í Ísbirninum þegar vorum á leið heim úr messu á aðfangadag.

Ef þú þyrftir að velja þér nýtt nafn hvað yrði þá fyrir valinu? Trína eftir fyrirmynd minni, norska spjótkastaranum og Ólympíumeistaranum Trine Hattestad.

Hvað ætlaðir þú að verða þegar þú yrðir stór? Ég var alltaf ákveðin í því að verða íþróttakennari.

Vandræðalegasta augnablikið? Þegar ég sendi einkaskilaboð til barnanna minna á rangan hóp á Messenger á FB.

Hvar sérðu þig eftir tíu ár? Vonandi við hestaheilsu í göngutúr í Norðurárdal.

Ertu með eina sturlaða staðreynd um þig? Eftir sturlaðan dag við kennslu og þjálfun slaka ég best á við að elda góðan mat og hlusta á Johnny Cash.

Yfirheyrslan: Velur pepperoni og jalapeno á pizzurnar