Nafn: Helga Braga Jónsdóttir.

Hvar ertu fædd og hvenær? 5. nóvember 1964 á Akranesi

Hvernig myndir þú lýsa þér í þremur orðum? Dugleg, hress og góðhjörtuð.

Áttu gæludýr? Ekki heima hjá mér núna, en hef átt hesta og kisur.

Hvers saknarðu mest frá því í gamla daga? Leika mér á Langasandi.

Hvað færðu þér ofan á pizzuna þína? Sveppi, ólívur og þistilhjörtu.

Hvað er uppáhalds nammið þitt? Dökkt súkkulaði.

Hvaða tungumál værir þú til í að kunna? Pólsku.

Hvað er það skemmtilegasta sem þú gerir? Vera með fjölskyldu og vinum.

Ertu hjátrúarfull? Já!

Hvað myndi bíómynd um þig heita? Dularfulla Hafmeyjan!

Hver er uppáhalds mánuðurinn þinn? Nóvember.

Hvað ertu mest hrædd við? Að eitthvað komi fyrir fólkið mitt.

Hver er uppáhalds skyndibitinn? Grænmetisborgari.

Hver er uppáhalds staðurinn þinn á Íslandi? Akranes og Staðarsveit á Snæfellsnesi.

Hver er minnisstæðasta gjöfin sem þú fékkst þegar þú varst lítil? Fermingarferðalagið til Danmerkur og Svíþjóðar með pabba.

Ef þú þyrftir að velja þér nýtt nafn hvað yrði þá fyrir valinu? Kría eða Svala.

Hvað ætlaðir þú að verða þegar þú yrðir stór? Leikkona.

Vandræðalegasta augnablikið? Þau eru svo mörg, en ég hef líka haft vinnu af þvi að gera mig að fífli!

Hvar sérðu þig eftir tíu ár? Í Danmörku.

Ertu með eina sturlaða staðreynd um þig? Ég tala Esperanto; „Kio esta sur la tablo?“

Yfirheyrslan – Tala Esperanto