Nafn: Dagbjört Hrafnkelsdóttir

Hvar ertu fædd og hvenær? Borgarnesi, 7. júlí 1958 en er uppalin í Stykkishólmi og bý þar í dag.

Hvernig myndir þú lýsa þér í þremur orðum? Glöð, jákvæð og pínu fljótfær.

Áttu gæludýr? Nei.

Hvers saknarðu mest frá því í gamla daga? Veðursins sem í minningunni var alltaf svo gott.

Hvað færðu þér ofan á pizzuna þína? Skinku, papriku og ananas.

Hvað er uppáhalds nammið þitt? Væri svo til í bláan Opal.

Hvaða tungumál værir þú til í að kunna? Spænsku.

Hvað er það skemmtilegasta sem þú gerir? Syngja og rækta garðinn.

Ertu hjátrúarfull? Já.

Hvað myndi bíómynd um þig heita? Er hún enn að reyta arfa?

Hver er uppáhalds mánuðurinn? Desember með aðventunni og jólunum.

Hvað ertu mest hrædd við? Ég er svaka lofthrædd.

Hver er uppáhalds skyndibitinn? Pulsa með öllu.

Hver er uppáhalds staðurinn þinn á Íslandi? Lóðin mín í Stykkishólmi.

Hver er minnisstæðasta gjöfin sem þú fékkst þegar þú varst lítil? Dúkkueldhús sem ég fékk í jólagjöf frá mömmu og pabba.

Ef þú þyrftir að velja þér nýtt nafn hvað yrði þá fyrir valinu? Birta.

Hvað ætlaðir þú að verða þegar þú yrðir stór? Ég ætlaði alltaf að verða fóstra eða búðarkona.

Vandræðalegasta augnablikið? Of hégómleg til að leggja svoleiðis á minnið.

Hvar sérðu þig eftir tíu ár? Að njóta eftirlaunaáranna.

Ertu með eina sturlaða staðreynd um þig? Ég hef fengið lundalús sem amma mín þurfti að plokka úr með vasahnífnum hans afa, því lúsin grefur sig undir húðina á manni.

Yfirheyrslan – Skemmtilegast að syngja og rækta garðinn