Nafn: Júníana Björg Óttarsdóttir

Hvar ertu fædd og hvenær? Fædd 8. febrúar 1973 á Sjúkrahúsinu á Akranesi.

Hvernig myndir þú lýsa þér í þremur orðum? Jarðbundin, heimakær, sveitatútta.

Áttu gæludýr? Nei

Hvers saknarðu mest frá því í gamla daga? Veit það svo sem ekki, það var bara ótrúlega gott að alast upp á Hellissandi í góðu samfélagi í nálægð við einstaka náttúru og fjaran var okkar helsta leiksvæði.

Hvað færðu þér ofan á pizzuna þína? Hráskinku, rucola, mozzarella og þistilhjörtu.

Hvað er uppáhalds nammið þitt? Bounty klikkar aldrei.

Hvaða tungumál værir þú til í að kunna? Ítölsku.

Hvað er það skemmtilegasta sem þú gerir? Spila golf með golffélögunum og njóta samverustunda með fjölskyldunni.

Ertu hjátrúarfull? Nei, myndi ekki segja það.

Hvað myndi bíómynd um þig heita? Það er gott að elska.

Hver er uppáhalds mánuðurinn? Júní.

Hvað ertu mest hrædd við? Svo hrædd við það að ég get bara ekki skrifað það.

Hver er uppáhalds skyndibitinn? Skinkubáturinn í Sjoppunni Ólafsvík.

Hver er uppáhalds staðurinn þinn á Íslandi? Verð að fá að nefna tvo staði hér, annars vegar Krossavíkina við Hellissand og svo Norðurfjörð á Ströndum.

Hver er minnisstæðasta gjöfin sem þú fékkst þegar þú varst lítil? Kassettutæki sem ég var göbbuð til þess að pakka inn fyrir Tryggva bróður minn, en var svo gjöf til mín.

Ef þú þyrftir að velja þér nýtt nafn hvað yrði þá fyrir valinu? Ég er svo ótrúlega ánægð með nafnið mitt en ég er skírð í höfuðið á Júníönu Jóhannesdóttur langömmu minni sem var mikill skörungur. En ef ég þyrfti að velja mér annað nafn þá hefur mér alltaf fundist Silfá mjög fallegt.

Hvað ætlaðir þú að verða þegar þú yrðir stór? Hjúkrunarfræðingur.

Vandræðalegasta augnablikið? Þegar ég var fyrst tekin fyrir of hraðan akstur.

Hvar sérðu þig eftir tíu ár? Vonandi heilsuhraust til þess að geta notið lífsins sem best með fjölskyldu og vinum.

Ertu með eina sturlaða staðreynd um þig? Sef með mynd af Bubba Morthens á náttborðinu mínu.

Yfirheyrslan – Sefur með mynd af Bubba á náttborðinu