Nafn: Kristín Birta Ólafsdóttir

Hvar ertu fædd og hvenær? Ég er fædd á Akranesi 3. apríl 1998.

Hvernig myndir þú lýsa þér í þremur orðum? Dugleg, heiðarleg, skemmtileg

Áttu gæludýr? Já ég á hund. Tæplega hálfs árs svartan labrador sem heitir Bubbi!

Hvers saknarðu mest frá því í gamla daga? Ég sakna þess lúmskt að maður gat lifað áhyggjulaust lífi þar sem það eina sem maður gerði var að fara í skólann og leika sér, og ef það var eitthvað vandamál eða áhyggjuefni þá sá mamma bara um það… Í dag er ég mamman; sem er auðvitað yndislegt en stundum öfunda ég dóttur mína á hversu þægilegt lífið hennar er.

Hvað færðu þér ofan á pizzuna þína? Pepperoni, rjómaost og beikon

Hvað er uppáhalds nammið þitt? Hvítar fílakúlur og passionfruit Tutti Frutti

Hvaða tungumál værir þú til í að kunna? Ég er að læra spænsku og ég væri til í að kunna hana alveg; vera reiprennandi. Annars væri líka gaman að kunna frönsku.

Hvað er það skemmtilegasta sem þú gerir? Vera með fjölskyldunni minni, að ferðast, og að elda mat.

Ertu hjátrúarfull? Alls ekki

Hvað myndi bíómynd um þig heita? Með trilljón járn í eldinum og bros á vör.

Hver er uppáhalds mánuðurinn? Júlí, ég elska sólina og hitann.

Hvað ertu mest hrædd við? Sko ég er pínu lofthrædd, en eitthvað sem mér finnst líka mjög ógnvekjandi er hafið, það er svo djúpt og lítill partur af því sem er rannsakaður.

Hver er uppáhalds skyndibitinn? Pizza frá Pizzunni.

Hver er uppáhalds staðurinn þinn á Íslandi? Ég held mikið upp á Hafnarfjörðinn þar sem við búum, mér líður svo vel þar. En annars er Seljalandsfoss í miklu uppáhaldi, enda fórum við mjög oft þangað á ferðalögum þegar ég var krakki.

Hver er minnisstæðasta gjöfin sem þú fékkst þegar þú varst lítil? Ég var rosalega glöð þegar ég fékk Playstation 2 tölvu og leiki. Það var ekkert eðlilega gaman, alltaf í Singstar og Eyetoy. Góðir tímar.

Ef þú þyrftir að velja þér nýtt nafn hvað yrði þá fyrir valinu? Ég myndi líklega bara taka upp millinafnið mitt Birta. Mér finnst það mjög fallegt.

Hvað ætlaðir þú að verða þegar þú yrðir stór? Ég ætlaði að verða flugfreyja, svo ætlaði ég að verða söngkona eða bókarithöfundur. Ég er bara mjög glöð að lífið þróaðist í þá átt sem það gerði, því að matreiðslan er það skemmtilegasta sem ég veit.

Vandræðalegasta augnablikið? Þetta er erfið spurning vegna þess að ég er alls ekki vandræðaleg manneskja, fyrir mér geta hlutir bara verið vandræðalegir ef maður gerir þá vandræðalega, ég man ekki eftir neinu slíku augnabliki.

Hvar sérðu þig eftir tíu ár? Eftir tíu ár sé ég mig fyrir mér að vinna við eldamennsku, helst í dagvinnu svo ég geti líka verið með fjölskyldunni á kvöldin og um helgar, og bara að njóta lífsins.

Ertu með eina sturlaða staðreynd um þig? Ég hef alltaf viljað fara út í geim, ég heillast rosalega af stjörnufræði og mig langar sjálf að fara út í geim.

Yfirheyrslan – Pínu lofthrædd en alltaf langað að fara út í geim