Nafn: Hallgrímur Ólafsson

Hvar ertu fæddur og hvenær? Sjúkrahúsi Akraness 19. júní 1977.

Hvernig myndir þú lýsa þér í þremur orðum? Léttur, næs og Melló.

Áttu gæludýr? Nei, því miður. Fjölskyldumeðlimir glíma við ofnæmi af ýmsu tagi og því ekki hægt. Hef reyndar reynt að halda gullfiskum lifandi með lélegum árangri.

Hvers saknarðu mest frá því í gamla daga? Ég sakna einskis held ég, minnist gamalla daga með hlýju. Eða jú, ég sakna þess stundum á haustin að vera ekki niður á Akratorgi að taka á móti Íslandsmeisturum eða bikarmeisturum í fótbolta.

Hvað færðu þér ofan á pizzuna þína? Pepperoni, lauk, ólífur og jalapeno.

Hvað er uppáhalds nammið þitt? Ég er mikill nammigrís og borða mikið af því. Í sérstöku uppáhaldi er bland í poka.

Hvaða tungumál værir þú til í að kunna? Ég er alveg afleitur tungumálamaður en mest af öllu vildi ég læra útlensku.

Hvað er það skemmtilegasta sem þú gerir? Hérna á ég auðvitað að vera hjartnæmur og segja „Að verja tíma með fjölskyldunni“ en svarið er: Að spila golf… og hitta svo fjölskylduna á eftir.

Ertu hjátrúarfullur? Nei, hef einfaldlega ekki hugmyndaflug í svoleiðis vitleysu.

Hvað myndi bíómynd um þig heita? Meðalmaður af Skaga.

Hver er uppáhalds mánuðurinn? Svo sem enginn í sérstöku uppáhaldi en golfvellir opna í maí og þá er gaman.

Hvað ertu mest hræddur við? Frá unga aldri hef ég verið mjög hræddur við að ganga einn í myrkri. Að labba einn í gegnum miðbæ að kvöldi til get ég bara hreinlega ekki. Og þetta versnar bara með árunum.

Hver er uppáhalds skyndibitinn? Sveittur börger (svona sjoppu stæl).

Hver er uppáhalds staðurinn þinn á Íslandi? Akranes kemur nú sterkt upp í huga mér. Svo eru Þingvellir stórbrotinn staður.

Hver er minnisstæðasta gjöfin sem þú fékkst þegar þú varst lítill? Mér er ofarlega í huga Feyenoord treyja sem ég fékk frá Pétri Péturssyni. Allt of stór á mig en ég lét mig hafa það, enda vanalega flest verið of stórt á mig í gegnum tíðina. Og svo BMX safarí hjól.

Ef þú þyrftir að velja þér nýtt nafn hvað yrði þá fyrir valinu? Jón Hreggviðsson.

Hvað ætlaðir þú að verða þegar þú yrðir stór? Ég minnist þess varla að hafa velt því eitthvað sérstaklega fyrir mér. En mig hefur reyndar oft langað að verða Stór.

Vandræðalegasta augnablikið? Líf mitt er nú oft á tíðum vandræðalegt. Mér finnst þótt ótrúlegt megi virðast alveg einstaklega vandræðalegt að standa upp á sviði fyrir framan fullan sal af fólki og það klappar fyrir mér og ég þarf að hneigja mig. Eitthvað sem ég venst aldrei.

Hvar sérðu þig eftir tíu ár? Vonandi sem 58 ára Skagamann á lífi.

Ertu með eina sturlaða staðreynd um þig? Mér finnst það nú ekki merkilegt en mörgum finnst þetta sturlað en ég sumsé drekk ekki vatn. Það er vont.

Yfirheyrslan – Flest verið of stórt á mig í gegnum tíðina