Nafn: Sólrún Halla Bjarnadóttir.

Hvar ertu fædd og hvenær? Fædd á Sjúkrahúsinu á Akranes 27. júní 1978. Það skemmtilega var samt að það var ljósmóðir sofandi heima þegar foreldrar mínir ruku út á fæðingadeild.

Hvernig myndir þú lýsa þér í þremur orðum? Hreinskilin, skipulögð og jákvæð.

Áttu gæludýr? Nei ekki núna.

Hvers saknarðu mest frá því í gamla daga? Útileikjunum og samverunni í íþróttahöllinni á kvöldin hjá unglingunum.

Hvað færðu þér ofan á pizzuna þína? Mjög misjafnt en finnst t.d. mjög gott að fá mér tígrisrækjur, pistacio hnetur, hvítlauksolíu og klettasalat.

Hvað er uppáhalds nammið þitt? Saltkaramellu Baileys nammi.

Hvaða tungumál værir þú til í að kunna? Úkraínsku.

Hvað er það skemmtilegasta sem þú gerir? Fjallganga í góðu veðri.

Ertu hjátrúarfull? Stundum já.

Hvað myndi bíómynd um þig heita? Haltu áfram.

Hver er uppáhalds mánuðurinn? Júní.

Hvað ertu mest hrædd við? Kríur.

Hver er uppáhalds skyndibitinn? Stenst ekki hamborgara með frönskum á milli.

Hver er uppáhalds staðurinn þinn á Íslandi? Uppi á Skarðsheiðinni í heiðskíru.

Hver er minnisstæðasta gjöfin sem þú fékkst þegar þú varst lítil? Fyrsta dúkkan sem ég eignaðist í ferð með fjölskyldunni í Þýskalandi árið 1986.

Ef þú þyrftir að velja þér nýtt nafn hvað yrði þá fyrir valinu? Líklega Ástrós eða Sóllilja.

Hvað ætlaðir þú að verða þegar þú yrðir stór? Íþróttakennari eða sjúkraþjálfari.

Vandræðalegasta augnablikið? Líklega verið þegar ég hysjaði upp um mig sokkabuxurnar rétt áður en ég bauð alla foreldra velkomna á árshátíð í grunnskólanum, algjörlega ómeðvituð um umhverfi mitt.. .og jújú þetta náðist á mynd.

Hvar sérðu þig eftir tíu ár? Með stærri fjölskyldu, starfi sem vekur hjá mér ánægju og upplifun og nægan tíma og aukin fjárráð til að leika mér og ferðast með manninum mínum, börnum, ættingjum og vinum.

Ertu með eina sturlaða staðreynd um þig? Ég á mjög erfitt með að þekkja fugla en bílnúmer eiga það til að festast í kollinum á mér.

Yfirheyrslan – Á erfitt með að þekkja fugla en bílnúmer eiga það til að festast í kollinum á mér