medium

large

thumbnail

1536x1536

2048x2048

small

custom-size

Frumkvöðlar heimsóttu Kviku

Tóku samtal um stöðu og stefnu Háskólans á Bifröst

Matarsóun hér er á landi er einkum í sjávarútvegi og á heimilum fólks

Bændur fá 2,8% hækkun mjólkurverðs frá morgundeginum

Bjóða sókninni líkhúsið að gjöf

Ingi Þór lætur af störfum

James Einar Becker er nýjasti viðmælandi hlaðvarpsins Skinkuhorns. Hann er markaðsstjóri Háskólans á Bifröst og bílaþáttaframleiðandi 



James Einar Becker ólst upp í Biskupstungum á Suðurlandi á tvítyngdu heimili en móðir hans er íslensk og faðir hans írskur. Bernskuskónum sleit hann m.a. í gróðurhúsum foreldra sinna í Laugarási þar sem ræktaðar eru gúrkur. Gúrkuræktin höfðaði þó ekki til James en hann hélt til Danmerkur þar sem hann lærði og síðar starfaði við Háskólann í Árósum. Eftir sex ára vist þar í landi flutti hann heim til Íslands en hann hafði þá samband við markaðsstjóra Háskólans á Bifröst og sannfærði hann um að ráða sig sem margmiðlunarhönnuð. Níu ár eru liðin en hann hefur síðan þá búið á Bifröst og er í dag markaðsstjóri háskólans. Á Bifröst kynntist hann m.a. eiginkonu sinni til sex ára, Löru Becker, sem flutti til Bifrastar sem skiptinemi frá Ungverjalandi og eiga þau saman tvíbura. Auk þess að sinna starfi sínu við Háskólann á Bifröst framleiðir James bílaþætti og er viðloðandi þungarokksenuna á Íslandi.&nbsp;







Tork gaur Bílaþættir James heita Tork gaur og eru birtir í samstarfi við visi.is. ,,Ég hef verið að fylgjast með Top gear þáttunum síðan ég var krakki þannig að ég segi stundum að ég sé búin að vera að undirbúa mig fyrir þessa þætti í 25 ár. Draumaframtíðin var alltaf að starfa við Top Gear en svo sá ég fram á að ég yrði seint ráðin í það starf af fyrra bragði, þannig að ég ákvað í staðinn að skella mér í Tork gaurinn. Ég hef alltaf haft áhuga á bílum, t.d. fór ég oft með föður mínum til Florida þegar ég var krakki á stað sem heitir Fort Lauderdale, það er svona Hollywood þeirra Floridabúa. Þar var mikið af flottum bílum og á meðan pabbi lá á ströndinni sat ég með einnota myndavél og tók myndir af bílunum sem stoppuðu á rauðu ljósi fyrir ofan ströndina, þessi della hefur fylgt mér síðan. Svo fór mig að langa til að gera meira af einhverju svona og vildi líka fá afsökun til að keyra allt of flotta og dýra bíla sem ég kæmist kannski annars ekki í námunda við. Ég fékk visir.is til að kaupa verkefnið en í þáttunum er bara ég, einn með myndavél uppi í Bröttubrekku að þykjast vera skemmtilegur. Ég er videogerðarmaður, ljósmyndari og framleiðandi fyrst og svo tala ég bara í þættinum af illri nauðsyn sem er samt farið að vera gaman í dag,“ segir James um Tork gaur.







Íslendingar klikkaðir og dásamlegir James segir ekki hafa verið erfitt að fá bílaumboð til að taka þátt í verkefninu. ,,Það hjálpar að búa á Íslandi af því við erum bara lítil þjóð á lítilli eyju og ég byrjaði í samstarfi við BL. Þetta vatt upp á sig og nú er ég í samstarfi við Vísi og vinn ennþá með BL og fleiri umboðum. Fólk er líka farið að hafa samband við mig af fyrra bragði. Íslendingar eru svo klikkaðir stundum og ég elska það, fólk kastar bara í mig lyklum og segir mér að hafa gaman. Það eru allir alltaf til í svona hugmyndir,“ segir James.







Lærði ýmsa hönnun Í Danmörku starfaði James á markaðssviði við Háskólann í Árósum. ,,Ég stundaði nám í þeim skóla líka. Einn daginn vaknaði ég og mig langaði heim aftur en þá var ég búin að búa úti í sex ár. Ég lærði margmiðlun og hönnun þar sem ég lærði m.a. videohönnun og grafíska hönnun, hreyfihönnun og allskonar. Ofan á það bætti ég við mig tveggja ára gráðu í consept development, sem er í rauninni markaðsfræði og verslunarstjórnun í netheimum. Upphaflega réði ég mig svo á Bifröst sem margmiðlunarhönnuð á markaðssviði þar sem ég var bara að framleiða auglýsingar í ýmsum formum. Í dag er ég að gera svipaða hluti og þegar ég kom nema núna þarf ég að passa upp á fjármál líka svo þetta er ekki bara skapandi. Það er gaman að vera markaðsmaður sem sér líka um framleiðsluna en er ekki bara besservisser á toppnum.“







Rokkstjörnu móment Í Danmörku spilaði James með þungarokkshljómsveit sem naut mikilla vinsælda. Hann segir því ákveðið rokkstjörnu móment þegar hann flutti heim til mömmu með gítar og bakpoka. ,,Ég sat heima við eldhúsborðið hjá mömmu, nýfluttur aftur í gamla herbergið mitt atvinnulaus, heimilislaus og bíllaus,“ segir James og hlær. ,,Þetta var svolítið rokkstjörnu móment en ég var í þungarokkhljómsveit úti í Danmörku og ég kom heim með gítar í tösku og bakpoka, það vantaði bara síða hárið.&nbsp;



Ég fór skoða háskólana á Íslandi þar sem ég hafði áður starfað við háskóla og vissi að hverju ég gekk þar. Ég sá þá myndband frá Bifröst en ég hafði verið á heimavistinni í Menntaskólanum við Laugarvatn þegar ég var yngri þar sem var mikil stemning. Ég sá Bifröst fyrir mér sem heimavistarskóla fyrir fullorðna og hugsaði að þetta væri örugglega skemmtilegur staður, þá bjó að vísu fleira fólk þar en gerir núna. Ég sendi tölvupóst á þáverandi markaðsstjóra þar sem ég taldi upp mína getu og spurði hvort hann ætti ekki vinnu handa mér, það var ekki verið að auglýsa starf. Þetta var í maí og ég fékk að byrja næsta haust,“ segir James. Hægt er að hlusta á þáttinn í heild sinni á Spotify, skinkuhorn.is eða á skessuhorn.is. 



Hlustaðu á þáttinn í heild sinni hér að neðan. 



<figure class="wp-block-embed is-type-rich is-provider-soundcloud wp-block-embed-soundcloud"><div class="wp-block-embed__wrapper">
<div class="iframe-wrapper"><iframe title="19. James Einar Becker by Skinkuhorn Skessuhorns" width="900" height="400" scrolling="no" frameborder="no" src="https://w.soundcloud.com/player/?visual=true&#038;url=https%3A%2F%2Fapi.soundcloud.com%2Ftracks%2F1454836336&#038;show_artwork=true&#038;maxheight=1000&#038;maxwidth=900"></iframe></div>
</div></figure>

Skinkuhorn – James Einar Becker