Vertíðin er komin á fullt þessa dagana og afli báta að aukast í öll veiðarfæri. Mikið líf er því að færast í kringum hafnir Snæfellsbæjar. Meðfylgjandi eru nokkrar myndir sem teknar nýverið en þá var verið að landa úr nokkrum bátum og skipum; ágætum afla. Fiskverð er ennþá gott, en hefur þó aðeins dalað frá því þegar það var í hámarki um áramótin.

Sævar Rúnarsson og Sigurður Scheving á Saxhamri SH frá Rifi að landa 14 tonnum af vænum netafiski í heimahöfn.

Gunnar Helgi Baldursson að hífa körin úr Saxhamri SH.

Höskuldur Árnason og Pétur Pétursson að landa í Rifi úr netabátnum Bárði SH sem var með 23 tonn.

Norbert Swiderski löndunarmaður hjá Fiskmarkaði Snæfellsbæjar aðstoðar hér Heiðar Magnússon skipstjóra á línubátnum Brynju í Ólafsvík við löndun en Heiðar sagði að aflinn væri um 9 tonn og var um 65% aflans ýsa.

Grzegorz Marcin Lakomski landar aflanum úr Brynju SH.

Norbert Swiderski stillti sér upp við lyftarann í Ólafsvík, en hann starfar hjá Fiskmarkaði Snæfellsbæjar og sér um að landa úr bátum sem þar leggja upp.

Myndasyrpa – Vertíðarstemning í höfnum Snæfellsbæjar